منتدى الفرح المسيحى - البنات ال فرحها قررررب تيجى هنا 😍😍😍😍

https://upload.chjoy.com/uploads/1471025833771.jpg

تصحيح شوية مفاهيم مغلوطة عن شهر العسل لمحاولة إنقاذ حياتك الزوجية💏👫...

1- مفيش حاجه اسمها هيشيلك ويلف بيكي إلا إذا كان حجمك يساعد أو هو مترمل💪💪..
2- وانتوا على الشاطئ بلاش تشلتي الميه في وشه زي الهام شاهين مع إيمان البحر درويش علشان الميه ام ملح هتدخل في عينه ساعتها رد فعله مش هيعجبك ممكن تاخدي شلوت زي بتاع عادل امام لعايدة رياض وبعد كدة متجيش تعيطى😭😭

3- فكرة انك تصحيه بقوالب تلج في قفاه ديه مش مضمونة.. غالباً مش هيصحي يبتسم ويجري وراكي في الاوضة علشان يزغزغك.. ده خيال علمي.. هو هيصحي، أفضل سيناريو لو هو ابن ناس، هينكد عليكي طول اليوم😠😠

4- لو صحيتي بعده ودخلتي لقيتيه في البلكونة بيشرب شاي ابقى اتنحنحي ولا اعمليلك صوت.. علشان لما تتسحبي وتخضيه بحضن خلفي رومانسي زي الافلام اللي لحست دماغك، كوباية الشاي لو سخنه هتتشوهي😲😲

5- بلاش تطفي نور الحمام عليه وهو بيحلق دقنه لحد ما تتأكدي انه مش بيخاف لا يتلبس وقتها هيتغابى عليكى 😈😈 ...

6- لو وزنك فوق ال 70( تجاوزا ) وهو لو فوق ال 90 بلاش تجرو ورا بعض على الشط زي فاتن حمامه وعمر الشريف.. الجري في الحجم ده وبسرعه عاليه مش هتعرفوا تفرملوا وهتقعوا تعجنوا بعض وتعجنوا اللحظة الرومانسية دي في أذهان المحيطين بيكم😄😄😄

7- متضربيهوش بالمخده على راسه علشان المخدة مش هتطلع ريش نعام.. هو الي هيطلع بخار من ودانه وغالبا هيديكي مخدة على ام رأسك على سبيل الدعابة المصحوبة بارتجاج في المخ😴😴

8- بلاش تأكليه بايدك وانتي في المطعم علشان لو ايدك اتهزت وهو لابس قميص عزيز عليه الخروجة كلها هتبوظ أن مكانتش حياتكم كلها هتبوظ😆😆

9- لو دوختي في أي وقت وانتي راكبه عربيته قوليله يقف على جنب.. هو ممكن يفتحلك جيبه ترجعي فيه.. لكن عربيته لالالالا مش هيسامحك😷😷

10- الأفلام غير الواقع.. لما يكون في ماتش مهم متفضليش رايحه جايه وتفتكري كل الحاجات المهمه وقتها.. لو طلعتي حامل أجلي الخبر شويه معلش مش هيحصل حاجه، علشان متخديش رد فعل يناسب( انا جبت علبه تونه ) اكتر من( انا حامل)👪 متفكريش انكم هتقفوا فى المطبخ سوا وترموا الدقيق ع بعض ولا تعملوا فشار وترموة فى وش بعض دة لو عمل كدة والشقة نضيفة😈😈 ممكن تقومى تعضية مثلا او تاكلى دراعة 😃😂😃
وكل اللى نفسها تتجوز احب اقولك متستعجليش يا قطة ع الدوامة اللى هتدخلى فيها 🙊🙉🙈 والله ولي التوفيق
😂😂😂😂