منتدى الفرح المسيحى - الناس جايلك بمدايح

الناس جيالك بمدايح
و أنا جايلك علشان أشكيلك
نفسى أفضفضلك و أحكيلك
دا أنا قلبى بينبض بمشاكل
من غير ما أتكلم بتشاكل
مع أوجع أوجاع فـ الدنيا
أنا نفسى أنى أرتاح لو ثانيه
و أسند و أتنهد تنهيده
ليه يا #‏عدرا أفراحى بعيده
و لأمتى أنا هفضل على همى
ببكيلك أكمنك أمى
متعشم فيكى تحليها
طلبتى قدامك صليها
و أتشفعى عنى قصاد أبنك
هعتبر أن الوعد دا منك
بحنانك .. مش هتردينى
أمسكى لو ممكن بأيديا
للبر بأيدك عدينى
فـ رداكى الأزرق خبينى
و هَّدينى ..
و طبطبى قلبى ..
أهدينى لطريقك من قبلى
و خدينى لأفراح الملكوت
هفضل متعلق فـ جمايلك
مستنى فـ عيدك أكون مبسوط