من كم يوم كنت معزوم عند صديق ليا
 

http://www.3rbz.com/uploads/85e6324868941.jpg

من كم يوم كنت معزوم عند صديق ليا
وبعد ما زوجته حضرت السفرة على أكمل وجه
بدأنا نمد ايدينا على الأكل اللي كان شكله يشرح القلب
لكن للاسف ،، كل لما ادوق صنف يطلع طعمة سئ جدا وغريب
لحد ما لحظت وجت تدوق بنفسها
اتكَسَفِت جدا وجريت على المطبخ وخرجت بكيسين
كيس ملح وكيس سكر مطحون
الإتنين شبه بعض وميتفرقوش عن بعض
بقولها انتي دوقتيه !
قالتلي لو دوقته مكنتش قدمته
مشكلتنا اننا مبندوقش كلامنا قبل مابنقوله
كم علاقة كبيرة انتهت بسبب كلمة !
كم قصة حب فشلت بسبب كلمة !
كم نفس خسرت بعض بسبب كلمة !
بقينا بنهتم بالمظهر قدام الناس " السفرة " ، لكن مجرد مانتكلم ويدوقوا كلامنا ، بيتسمموا ،، بيبعدوا ،، بياخدوا جنب
خد الكلمة على نفسك قبل ماتقولها
حط نفسك في الموقف قبل ماتعمله
فكر في تأثير اسلوبك على اللي قدامك
هتلاقي نفسك عرفت تميز بين السكر والملح
هتلاقي نفسك بقيت شيف شاطر في طهي المحبة
جرب تدوق كلامك ، ومتتسرعش في انك تخسر الناس
لانهم مش بيدوا نيشان في قلة الأدب ، ولا اللسان الطويل
كلامك هيعودلك ، ومش هتجني منه غير يادوب اربع حيطان مداريينك لوحدك بعيد عن كل الناس
المثل بيقولك وجع البطن ولا دلق الطبيخ !
لا ده انا ادلق الكلام كله ولا أوجع قلب اللي قدامي
الغُربة مش بإنك تفارق حبايبك وتسيب بلدك
الغُربة بإن حبايبك يفارقوك وانت في بلدك

رد: من كم يوم كنت معزوم عند صديق ليا
 

الغُربة مش بإنك تفارق حبايبك وتسيب بلدك
الغُربة بإن حبايبك يفارقوك وانت في بلدك

صح يا مرمر
شكرا يا قمر

رد: من كم يوم كنت معزوم عند صديق ليا
 

رد: من كم يوم كنت معزوم عند صديق ليا
 

رووووووعة
ربنا يبارك خدمتك ياقمر

رد: من كم يوم كنت معزوم عند صديق ليا
 

جميلة اووووى يا مرمر

رد: من كم يوم كنت معزوم عند صديق ليا
 

موضوع جميل جدا

رد: من كم يوم كنت معزوم عند صديق ليا
 

ميرسى على المرور الغالى

رد: من كم يوم كنت معزوم عند صديق ليا
 

فيه ناس كده فعلا بيستمتعو بوجع قلب اللى قدامهم بكلامهم
موضوع جميل جدا
ربنا يبارك خدمتك المميزة حبيبتى

رد: من كم يوم كنت معزوم عند صديق ليا
 

رد: من كم يوم كنت معزوم عند صديق ليا
 

مشاركة رووووووةعة
ميرسى ياماريت ربنا يباركك