منتدى الفرح المسيحى - انتى غاليه قوى

أنا شوفت واحد بيقول لـ مراته بصوت عالي في الشارع
" أنتي مفكرة نفسك مين ده أنا واخدك بعد ما أبوكي كان ناقص يحطلي عليكي فلوس و مادفعتش فيكي جنيه"
و البنت واقفه باصه الناحيه التانيه و بتسمع و هي ساكته ..
البنات الحلوين بقا بتوع دبله فضه و مش عايزه شبكه و ممكن أسكن مع أمه
أصل معهوش يجيب شقه و لازم أقدر ظروفه و الحب تضحيه و تنازل تخرس خالص و تعرف قيمه نفسها ،

لأن إللي ماتعبش فيكي هيدوس عليكي في أي وقت مش هيخاف علي تعبه ،
و إللي ماشتغلش ليل نهار عشان يجبلك قيمتك و إللي نفسك فيك يبقي مايستهلكيش ،
و كده كده ممكن يرميكي إنتي و عيالك ..
ضحوا بس ضحوا بحاجات ينفع تضحوا فيها ، ساعديه بس ماتسهليش كل حاجه عليه
و ماتتنزليش عن حاجه عشان بس تريحيه هو راجل عشان كده لازم يتعب ،
كله هيجي فوق دماغك إنتي في الأخر .

ضحى بشقه واسعه ومتكامله من كله ..... بس بردو لازم يبقى ليكى حاجه خاصه انتى وهو بس حتى لو كانت اوضه وصاله
ضحى بشبكه غاليه قوى بس لازم يجبلك حاجه حتى لو جرام الدهب وصل 1000 جنيه مش 500 بس
لأن الغالى بيجى للغالى

وافتكرى كويس ان يعقوب اشتغل 14 سنه كامله عشان يأخد راحيل اللى بيحبها وكانت فى عينيه ايام قليله
وانتى مش اقل من كده