منتدى الفرح المسيحى - عارفك.............حبيبك يسوع

اوعي تفتكر اني ناسيك او مش واخد بالي منك
انت عارف انا لما ببص في عينك بعرف انت عايز اية

- عارف حزنك وسط ابتسامتك
-عارفك لما بتبقي مجروح
-عارفك لما بتفشل
-عارفك لما بتضعف وتبقي مكسور
-عارف انة رغم ان حواليك ناس كتير بس هما مش فاهمينك ولا انت فاهم نفسك مفيش صاحب حقيقي ليك
- عارف انك مش عارف تقرب منهم ولا تبعد
- عارف انك بتحبني حتي لو مبتعملش حاجة تبين دة
-الناس يمكن شايفينك من برة بس انا شايف قلبك❤ وعارفك يمكن ناس سابوك يمكن قالوا عليك كلام مش صح بس انا اللي عارفك
- عارف ان نفسك تستقر في حاجات كتييررر
- عارف انك عايز تكون ناجح عايز تعمل الحاجة اللي نفسك تعملها
- عارف انك عايز الناس تشوف موهبتك
- عارف انك نفسك في حد اول متزعل تروحلة وتبكي وانت في حضنة

بس انت بقي اللي مش عارف انا عايز اية

مش عارف ان معايا هتلاقي الحب❤ والفرح والسعادة والصداقة
وانك هتعرف تعمل كل حاجة قدامي من غير ما حد يقعد يتكلم عليك انا اللي مش هجرحك
انا بحبك قوي ❤
حبيبك يسوع