منتدى الفرح المسيحى - مش هتغيروا الكون..

فيه شخصيات انطوائية
فيه شخصيات عشرية
فيه شخصيات مادية
فيه شخصية بارده
فيه شخصيات بجحه
كل شخصية شايفه نفسها صح والباقي غلط
الانطوائي لقى راحته في الوحده لان كرامته اتهانت في اللمه
العشري لقي راحته في حب الناس والاختلاط بيهم ومهتمش بكلمة ده واد بتاع بنات ولا هي اهتمت بكلمة دي بنت شمال
المادي حس ان الناس هتستقطعه وهتضحك عليه فحب يحسبها بالورقه والقلم
البارد لقى ان مفيش فايده من اللي حواليه ، فقرر يكبر دماغه ويعيش بارد
البجح لقى انه اتحرق دمه كتير بسبب طيبة قلبه وخجله الزايد فقال مبدهاش بقى
كل واحد قرر يعيش في حالة هو حاببها .. كونك مش قادر تتأقلم معاه
ابعد عنه .. لأن ده العالم بتاعه ..

#مش_هتغيروا_الكون