منتدى الفرح المسيحى - احلى حاجة في يسوع

https://upload.chjoy.com/uploads/146818139031.jpg

أحلى حاجة في يسوع.. أنه برغم أنه عارف الكلام اللي جوايا من قبل ما أجي احكيهوله، بيفضل برضو يسمعه ومركّز فيه للآخر كأنه أول مرة يسمعه.. وكتير بيتضايق لمضايقتي.. ويطبطب عليا اوقات تانية.. وحتى لما بابكي بلاقيه يبكي معايا..

أحلى حاجة في يسوع أنه بيسمعني لأنه بس بيحب يسمعني. بيحب يسمع صوتي لأنه صوتي.. وبيركّز في كل كلمة بقولها لأنها بس طالعة مني..

أحلى حاجة في يسوع أنه بيحبني أنا.. بإسمي.. بشخصيتي.. حتى بعيوبي وكلاكيعي ولخطبتي الكتير..

أحلى حاجة في يسوع أنه الوحيد اللي عارف كل مشاكلي ونُقط ضعفي.. ومع ذلك عمره ما عايرني بيها.

أحلى حاجة في يسوع أنه لما قالي "بحبك"، عملها فعلاً.. وكل يوم يثبتلي كدة.. انه الوحيد اللي بيحبني بجد