منتدى الفرح المسيحى - أن تحب يعني ان تجعل موتك تحت اصابع مخلوق اخر

".. أن تحب يعني ان تجعل موتك تحت اصابع مخلوق اخر .."
من " في كل قلب مقبرة " - لندى ناصر

ناس كتير بتخاف من الحب عشان النقطة ديه , أنها تبقي تحت رحمة مخلوق أخر ,,
ففكرة أنك تبقي مسلم مشاعرك و عواطفك لحد تاني أنت ملكش اي سلطان علي أنفعلاته او قرارته ,
فكرة مرعبة في حد ذاتها !

نظريا عشان تاخد قرار بحب حد معين , ده بيكون بعد تركيز و أختبار حقيقي لاعلان قرار زي ده ,
فمش اي حد تعجب بيه من بعيد تقرر أن خلاص في ما بينكوا ميثاق عاطفي منيع !
لكن حتي بعد الأختبارات و التركيز و المعيانة الواعية لتحديد صدق الحب ده ,
ساعات بنقع في الناس الغلط اللي بتجد لذة و متعة في أنها تتلاعب بينا او علي الأقل متقدرش مشاعرنا تجاههم..
بس لحسن حظنا الناس ديه في صفة واحدة بتجمعهم , و هي تفريغ الشخص اللي بيحبهم من كيانه أو تحوليه بمشاعره و عواطفه لعبد ليهم !

أو زي ما شرحها عمنا " واسيني الأعرج " :
(( .. الانسان الذي يعتمد على الآخرين في رفع معنوياته, يفقد نفسه حين يفقدهم )) ..
فهما بارعين في إفقاد الاخر نفسه !

فاللي بيحب حد أول حاجة بيعملها أنه بيعلمه يعتمد علي نفسه قبل اي حاجة ,
بيستخدم طاقة الحب اللي بينهم عشان يملاه و يخليه يعيد ثقته في نفسه ,
يخليه حاسس بكيانه الحقيقي في شخصه و سلوكه , ..

فعلاقة الحب اللي يكون فيها طرف قاصد و متعمد يخلي التاني معتمد عليه او مش قادر يعيش من غيره ,
ديه علاقة استغلالية رخيصة ! ,
ففي النهاية الحب يعني عطاء , عطاء بدون مقابل ..
و لما الأتنين بيوصلوا للمبدأ ده , محدش منهم حيكون مستني حاجة من التاني او منتظر مردود علي مشاعره,
لكن هيبقي من فيض مشاعرهم العلاقة مستمره ..

فأول خطوة عشان تعرف تتمتع بالحب من غير خوف او قلق هو .....
زي ما Sade A. Zabala
قالت : Kill the part of you that believes it can't survive without someone else ..
فأقتل جواك الجزء اللي أقنعك أنك ماتقدرش تعيش من غير حد معين !! ..
و ساعتها حتقدر تحب اللي معاك بلا مقابل .. و تحب نفسك بجد ..

كلمات كيرلس بهجت