منتدى الفرح المسيحى - بتحبنى على ايه بس يارب؟؟؟!!!!

https://upload.chjoy.com/uploads/1468074980481.jpg

بتحبني ع أيه بس يارب .. دا أنا مليان بسواد القلب
ويأما غلطت ف حقك كتير . . وبسببي اتدق ف ايدك مسامير
ولسه بغلط برضه تاني . . والحياه عنك وخداني
وبجري ورا الدنيا بأيديا واسناني . . وناسي اني بجري ورا عالم فاني

فمتفقدش يارب الامل فيا . . واستردني زي ما استرديت الضال قبليا
وحتي لو انا غرقان ف الخطيه . . فأنت قادر تنتشلني بذراعك القويه
وحتي أذا كنت انا بعيد عنك من زمان . فأنت يارب من طبعك الاحسان
وحتي لو أنا يأس وشايف ان كل طرق التوبه مقفوله . . فخد يارب انت الخطوه الاولي
بتحبنى ليه ؟ وعلى ايه ؟ دة انا دائما سايبك وناسيك ..ايوة انا عايش جوة حصون وعمرى ماكنت بفكر فيك
انت ازاى كدة حنان وبتغفرلى وانا الغلطان !!!!
وبتستر كل اللى انا فيه تداريه ..بتحبنى على ايه ؟؟؟!!!!!!!