منتدى الفرح المسيحى - محتاجلك يارب...

https://upload.chjoy.com/uploads/1468005312981.jpg

اخيرا انا عرفت انا محتاجه ايه
عارف ياربى محتاجه ايه .؟
محتاجه ايدك تشتغل فى حياتى
محتاجه عنيك ديما عليا
محتاجه صوتك ديما فى ودانى

انا مش بقول العيب فيك
لكن المشكله ان العيب فيا
مش بلجألك غير وقت تعبى
مش بفتكرك غير وقت حزنى

محتاجه اجرى عليك
وارمى نفسى يارب فى حضنك

مفيش حضن هيضمنى بحنان
زى حضنك انت ياربى

محتاج لايدك تلمس قلبى
وترجع تانى تفرحنى

محتاجه ليك
ادركتُ الان

انا اسفه حقيقى
على كل اللى كان

محتجالك
تمسك ايديا
محتاجه عينك عليا
محتاجه حقيقى ..... حضنك
محتاجه لمسه ايديك

عارفه انى مش ههون عليك
وهتيجى بسرعه تطيب الجروح
وتاخدنى بين ايديك
وانسى يارب اى هموم

واثقه فيك حقيقى ياربى
انا مهما اعمل معاك
قلبك ديما حنين عليا
وايديك ماسكه فى ايديا

انا اللى كنت مغميه عنيا عنك
سامحنى يارب انا اسفه

محتاجه حقيقى للمسه ايديك
محتجالك اوى يارب
متأكده انك جمبى
عارفه انك هتسامحنى

بس ارجوك امسك ايديا كويس
وان حولت اهرب منك
امسكنى ياربى وأدبنى
ورجعنى ليك على طول
متسبنيش يارب اتوه
متسبنيش ابعد بعيد عنك

ساعدنى اكون ديما قريبه منك
محتاجالك يارب..