منتدى الفرح المسيحى

بنستغرب لما بنشوف فيلم و نلاقي أتنين شبه بعض او لايقين علي بعض اوي , أجتمعوا بشكل سحري او غير مفهوم..
لدرجة أن أول حاجة بتيجي في دماغنا ان مقابلتهم ديه ما هي إلا حدث درامي خيالي بحت لا يمكن تحصل في الحقيقة,

بس يجي الكاتب Robert Brault و يقول :
“Eventually soulmates meet, for they have the same hiding place.” ..
ففي النهاية , اللي روحهم شبه بعض بيتقابلوا عشان عندهم نفس أماكن الإختباء ..

فالحقيقة أن اللي بيجذب رفقاء الروح ببعض هو أدراكهم المتشابة و أختياراتهم المتقاربة ..
ففي الوقت اللي كل الناس بترفض قناعة محددة هما بيكونوا أول المعتنقين ليها ..
أو اللحظة اللي المجتمع بيكون غرقان في ميول او ذوق معين هما بيكونوا أول المعلنين عن غير قدرتهم للإنتماء للميول او الذوق ده
فمهما غربلتهم أحداث حياتهم المختلفة , أنما في النهاية , في لو قرار موحد حيجمعهم ببعض ..
في مكان واحد أو ظرف مشترك .. في قيمة او جوهر أنساني ..
حتي و لو لوحة أو قطعة الموسيقي هما الاتنين بس دون الباقي حيقفوا سوا يستمتعوا بيها بعيد عن دوشة الناس او زحمة كلامهم
و يبقي ببساطة , اللي جمعهم ببعض كان هو هو نفس السبب اللي فصلهم عن الباقي .. اللي جمعهم كان هروبهم ..

كلمات كيرلس بهجت