منتدى الفرح المسيحى - اجدع صاحب عرفته!!!

https://upload.chjoy.com/uploads/1467825873571.jpg

الوحيد اللي لو قالي كلمة مش بيرجع فيها، ومش بينساها حتي لو انا نسيت هو وعدني بإيه اصلاً..
دايماً مُتاح.. ودايماً طاقته علي الاحتواء كبيرة بشكل مبهر لي انا شخصياً..

مش عارف اللي معندوش صديق زي دا عايش ازاي؟ حاسس بالأمان في مين؟ اصحاب؟ زوجة او زوج؟ قرايب؟
صدقني كله بيمشي.. كله بيتغير.. كله بيتعب.. كله مع الوقت بيزهق ..الا هو.. الا يسوع.. مابيزهقش..

شخص عجيب اوي.. عارف كل مصايبي ولسا حاببني..
مهما حصل مش بيتغير من ناحيتي..
مهما حصل بيعاملني كإني نضيف وعالي (مع اني انا نفسي مش شايف نفسي كدة)..

يا بخت اللي عنده يسوع، مهما حصل مش هايبقي لوحده.. ومهما تعب .. من جواه شبعان.
ويا عيني علي اللي عايش من غيره.. مهما كان حواليه زحمة.. هايفضل برضو لوحده ومش مرتاح.

#يسوع
#أجدع_صاحب_عرفته