منتدى الفرح المسيحى - ماينفعش تحكي لجوزك او خطيبك

ماينفعش تحكي لجوزك او خطيبك عن :
ماينفعش تحكيله عن صاحبتك اللي جوزها بيضربها ، لأنه تاني يوم هايشتمك علي اتفه سبب ولما تعترضي هايقولك احمدي ربنا اني مش زي جوز صاحبتك اللي بيضربها ،
ماينفعش تحكيله عن صاحبتك الاموره الشقيه اللي كل الرجاله هاتموت عليها ، لانه تاني يوم هايقف ف الطابور معاهم .
ماينفعش تحكيله عن عيوب اهلك والفضايح اللي بيعملوها ف بعض ، لانه تاني يوم هايعيرك بيهم وميبقاش ليكي كبير .
- ماينفعش تحكيله عن ماضيكي الاسود وتاريخك المهبب قبل جوازكم ، لانه ساعتها هايفضل يشك فيكي ، ده غير شعوره انه مش اول راجل ف حياتك .
- ماينفعش تحكيله عن عيوب شخصيتك وديفوهات جسمك أو لخبطه ملامحك من باب استجداء تعاطفه ،
حاولي انتي تغيري عيوبك النفسيه وتتعايشي مع ديفوهاتك الخلقيه وتفخري بيها لأنها خلقه ربنا ،
وخدي بالك هي ما كانتش فارقه معاه قبل ما تحكيله ، بس هايبتدي من دلوقتي يركز معاها ياهبله .
- ماينفعش تحكيلو عن ايهاب معوض العبقري اللي بيقول درر ، لأنه فورا هايشتم عليا وتبقي جبتيلي الشتيمه ( ادي اللي باخده منكم جتكم البلا )
ووارد انه يطلع متخلف ويقفلك الاكونت ، لأن اي راجل بيحلم يكون اعظم راجل ف عين المزه بتاعته (عالم مريضه) .
بس لو شتم عليا بجد يبقي من حقك قانونا تطلبي الطلاق وتخدي اللي وراه واللي قدامه (قانون الاحوال الشخصيه لسنه 8 قبل الميلاد)

موضوع لأيهاب معوض