منتدى الفرح المسيحى - وهم فارس الاحلام والحب من اول نظره

وهم فارس الاحلام والحب من اول نظره :
من اول لحظه شافت المز ،
قلبها اتهز ..........،،،،،،..
تاتاتااااا!!!!!!!!!!!!!!!اااا
كأنها تعرفه من زمان ،،عرقت ،، اتوترت ،،، ايديها اترعشت ، ركبها خبطت في بعضها ،
ريحه غريبه رجعتها لذكري مش فاكراها ، صوت مزيكا لأغنيه سكن الليل لفيروز
( او هابطل السجاير لشعبولا ) ايه اللي بيحصل ،، انا باحبه ؟ ايوه انا فعلا باحبه .

اتنيلي علي خيبتك ياهبله ،
اللي حصل ان هرمون التوتر ( ادرينالين ) بيفرز دلوقتي في جسمك لأن الباشا حاجه من تلاته :
1- يشبه واحد كنتي معجبه بيه من زمان وجايز يكون مدرس الالعاب في ابتدائي .
2 - وارد يكون الباشا عمل موقف بتحبيه -بقصد او بدون قصد- يعني مثلا عمل خمسات بالعربيه في الجونه ،
نزل غيرلك فرده الكاوتش علي كوبري بنها ، دفعلك الاجره في التوكتوت .
3- شكله امور وخطفك بجرأته ، او العكس ، يعني اتعامل معاكي بمنتهي الادب وتجاهلك ومشي .

المز أخد موبايلك او اتكلم معاكي وهو محاصرك بعينه ( صايع )
ابتدي هرمون تاني يدخل علي الخط ( السيراتونين ) تاتاتااااااا هرمون السعاده ...
كده بقي قلبك هايدق جامد ( بوم بومبوم .. بصوت ماري مونيب ) حاسه بنشوي غريبه او نشوي مصطفي ، لاااااااااأكيد بقي باحبه ،
المز اخدك جنبه في العربيه وساق بسرعه ، واااااو جامد اخر 5 حاجات ، كده بقي الدوبامين ( هرمون الاثاره ) بيلعب في دماغك يا اوختشى ، وكأنك راكبه قطار الموت في دريم بارك .

حمدالله على السلامه وصلتو ؟ يللا بقي روحي البيت وانتي حاضنه قلبك وبتعيطي ع الموبايل اللي اتنشل منك ياخايبه ،،
حضرتك دلوقتي ممكن تتحدي الدنيا علشان الأخ ده .. تخيلي !!! شويه هرمونات عبيطه عملو فيكي كده !!!!

- لكن امتي اعرف انه حب بجد ؟
- الحب محتاج حد ادني 3 شهور من التواصل وتقييم الصفات واختبار المواقف ومراقبه الاسنجام الحقيقي في العلاقه بعد استقرار الهرمونات .
-طب امتي اتأكد انه مجرد افراز هرموني؟
- ركزي علي السوائل في جسمك في نفس اللحظه ، لوحصلك رشح في مناخيرك او تبول لا ارادي في ودانك ، تبقي فعلا بتحبيه، اتجوزيه علطول .

موضوع لأيهاب معوض