منتدى الفرح المسيحى

https://upload.chjoy.com/uploads/1466078071281.jpg

ولاقتني وانا واقف اصلي
بستغرب جدا من نفسي
هو صحيح مانفعش اجيلك
غير لما احس كده بيأسي

افضل انادي بكل دموع
محتاجك ربي ف موضوع
بيه دنيتي تعلي وتتقدم
ناسي ان انا محتاج لرجوع

وماحسش ان انت فاديا
غير لما بتضعف خطاوييا
واقول شعارات وسط الناس
ده يسوع ربي وكل ما ليا

ومجرد ما مشاكلي تزول
حبي ليك ينقص علي طول
وارجع اعيش ف شرور العالم
تناديني اقولك مشغول

فجأه تجيلي حاله تفكير
هو انا ليه خطايايا كتير
ده الانجيل بيقولها صريحه
ارجع لاله التدبير

واقوم اصليله من تاني
واقوله طرقك وحشاني
راجع ليك يا الهي وشاكرك
وسط اافراحي ووسط احزاني

كلمات: يوسف انيس
تصميم:ماري يوسف