منتدى الفرح المسيحى - اوعي تكلميه وهو في الشغل

اوعي تكلميه وهو في الشغل :
لما تتصلي بجوزك وهو في الشغل بسلامه نيه علشان تطمني عليه ،
او تحكيلو عن صافي جارتكم اللي ولعت في جوزها ،
يرد عليكي كالآتي :
(ايوه - أفندم - خير - طب بعدين - منتي عارفه اني في الزفت الشغل - يعني مش قادره تستني لما ارجع -
حاضر فهمت هاجيب بامبرز وموز وعيش ومسحوق مش هانسي والله ،، ارحميني بقي )
هو ليه بيبقي عصبي كده ساعتها ؟
علشان هو كائن أحادي التفكير بيظبط بوصله دماغه علي اتجاه واحد ،
ويبرمج عقله علي خطه واحده ، ودماغه من جوه متقسمه غرف ،
كل غرفه خاصه بحاجه مستقله ، وصعب جدا يتنقل من غرفه لغرفه
( غرفه حب - غرفه شات - غرفه لعب -غرفه شغل - غرفه أكل وهكذا )
علشان كده لما يكون في شغله بيبقي عصبي لأنه في اصعب غرفه بتوتره ،
وانتي بتحاولي تقتحميها ايام الخطوبه
(كان بينصب عليكي ويخالف طبيعته ويقولك بافرح لما اسمع صوتك ويشتم بعد ماتقفلي ) ،
حضرتك بقي عكس كده تماما - اللهم لا حسد يعني - دماغك ملعب كوره مفتوح علي بعضه ،
تقدري تعملي 500 حاجه عكس بعضها في وقت واحد وبنفس القدره ،
تمسكي الموبايل وترغي مع الست الوالده والاخوات الفضليات ،
و تطبخي وترضعي العيل والبت،
كل ده وانتي فاتحه الفايسبوك بتراقبي الشات بتاع المحروس جوزك ،،
طيب بذمتك ده مش جبروت

كلمات لأيهاب معوض