منتدى الفرح المسيحى

https://upload.chjoy.com/uploads/1465688132251.jpg

هى البنت التخينه ملهاش مكان فالارتباط والكل لازم يشوفها وحشه عان تخينه وتنجرح بكلام يوجعها وهى المفروض تداريه بضحكة وتاخده على اساس الهزار وفي ناس تقول لا هو مش عيب هو بس عشان وهى تخينه وهى بنت امال بعد الجواز هتكون ايه ليه الراجل الراجل يعنى ميفكرش ان البنت التخينه مش عيب ده البنت التخينه لما بتلاقي اللى بيختارها زى ماهى كدة هى بتحاول ديما لو معرفتش تخس هتحافظ انها متتخنش عشان تفرحه ديما وعلى فكرة البنت التخينه مش لازم تخس عشان خاطر حد وحتى لو هتقولو تخس عشان صحتها فده كلام وبس اغلب الناس اللى تشوف التخينه بتقولها خسي عشان وانتى كدة مش هتشوفي عريس مين هيرضي بيكي كدة مين هيبص لواحدة فتخنك والبنت تفضل تهرى فنفسها وصحتها تضيع اسرع مش من التخنه من الوجع من الكلام اللى بتسمعه ولا هى لما تعجب بواحد والغريب هو يعجبه شخصيتها ويروح يقولها فيكي مميزات كتير بس عيبك تخينه !!!!!