منتدى الفرح المسيحى - مع ربنا أكيد كل حال بيتبدل للاحسن

https://4.bp.blogspot.com/-Iy-seGULIt.../s1600/Sky.jpg

احساس حلو اوي لما تقوم الصبح بدري جدا قبل شروق الشمس و تراقبها ازاي بتحول الليل لنهار و ازاي بعد الضلمة بييجي النور و ازاي ممكن لحظة تعدي عليك تلاقي نفسك غرقان في اليأس و فجاة ينور قدامك الأمل او تكون حزين بشكل صعب و تتولد قدامك فرحة .. في لحظات اي حال ممكن يتبدل .. بس مع ربنا أكيد كل حال بيتبدل للاحسن ..
انا حالي يصعب ع الغلبان
حاسس اني بقايا انسان
مخنوق و بصرخ بسكوت
دموعي بتنزل من غير صوت
يمكن احساسي بيخدعني
جايز أحزاني بتسمعني
لما حاجة تأثر فيا
أبكي علي كل اللي وجعني
الأحزان بتجيب بعضيها
حاجة واحدة بتقلب عليها وطيها
و اقعد كدة ساكت مع نفسي
اخد و أدي مع املي و يآسي
جايز أحزن اكتر لكن
تيجي بسمة تخطفني لأماكن
كنت فيها ف مرة سعيد
و يرجع املي اللي بعيد
أفكر انا ليه مخنوق
دا إلهي باصص لي من فوق
بيدبر كل تفاصيلي
حتي لو نمت هو صاحي لي

بقلم / ماريان عادل