منتدى الفرح المسيحى - البنت هي القوه !!

أنتوا فاكرين إن الولد هو مصدر قوه البنت !!؟
إنتوا فاهمين غلط خالص علي فكره , البنت هي مصدر قوه الولد الحقيقيه !
هي اللي بتقويه , هي اللي بتخليه يبقا صابر وهو شغال شغلانه مش طايقها
و يتمالك نفسه لما يكون زعلان أو مضايق
هي اللي بتخليه يكمل لو كل الناس من حواليه بتحبطه وعايزه توقعه ,
هي اللي بتخليه يجمد و مايقعش ولا ينكسر ...
البنت هي اللي بتحول حياه الولد للتعب الحلو طالما هي فيها

اللي ربنا كرمه بالبنت دي يحافظ عليها أوي , و أوعي تفتكر إن وجودها زي عدمه

تخيل بس معايا كده .........إنك عاوز تحوش عشان تجيب الشقه اللي نفسك فيها تكون فيها معاها ,
و ف شغللك حصل موقف بينك و بين أي مسئول في الشغل خلاك علي أخرك
و بقيت خلاص علي وشك إنك ممكن تنط في كرشه ولا يهمك ,
ف رحت متصل بيها حكتلها فقالتلك معلش يا حبيبي إستحمل أنا جمبك مش هسيبك ,
حاول بقى تتخيل الإبتسامه االلي هتترسم علي وشك !!
هتحول لحظه الغضب اللي جواك بسبب الموقف بتاع الشغل ده للحظه حماس عامله أزاي ؟؟؟
وهكذا بقا قيس مواقف كتير هي هتكون فيها الأم و الأخت و الصديقه و الطفله ,
هتكون أنت وقت ما أنت تتوه من نفسك هي اللي هترجعك !!

البنت هي القوه !!