منتدى الفرح المسيحى - اطلب لنفسك ايه من الرب الهك

https://upload.chjoy.com/uploads/1463173071451.jpg

👼🎼🎄👼🎼🎄👼🎼🎄👼
"اطلب لنفسك آية من الرب إلهك .. عِّمق طلبك .. أو رفَّعه إلى فوق"
فعلاً ..!! أطلب أى حاجة يارب؟
طب.... "ليتك تشق السموات وتنزل"
حـــاضر يا حبيبى ....
"يعطيكم السيد نفسه آية. ها العذراء تحبل وتلد ابنا وتدعو اسمه عمانوئيل" (الذى تفسيره الله معنا) !!!!
أنا كنت فاكرة إنى ساعات باطلب المستحيل ... وإن طلباتى لن تستجاب .. وإن اُستُجِيبَت هتكون فى حدود .. أو شبه المطلوب .. مش هو هو نفسه .. كما نطق فمى عن اشتهاء قلبى ... لم اتخيل إن لما أتمنى الله يشق السما وينزل ويسكن معايا ويعيش حياتى إنك فعلاً تأخذ اللفظ كما هو وتستجيب ... بل وتعطنى أكثر جداً مما أظن أو أفتكر. فأنت مش جيت وبس .. لا ده أنت كمان جيت كمدبر يرعى شعبه إسرائيل.. جيت بهدف تخلص شعبك من خطاياهم .. ازاى كل ده؟!!!!
أنت مستغرب ليه ؟ ... الاجابة سهلة جدا:
"لان ليس شىء غير ممكن لدى الله"
فمرة ثانيةََ .. أعيد عليك كلامى..
" اطلب لنفسك .. عمق طلبك .. رفَّعه الى فوق" ...
ياللا نطلب ... أى حاجة ... إلى الآن لم نطلب شىء باسمه...
كل سنة واحنا طيبين
التجسد إستجابة قوية جداً لطلباتنا مهما كانت ... فلنتذكر دائما أنه عند الله كل شىء مستطاع ... ده شق السما بجد وجه علشاننا 🌠