حبك اطيب من الخمر
 

حبك اطيب من الخمر

(******************)

http://store1.up-00.com/2016-05/146233526891222.jpg
يسوع هو مصدر الشبع والكفايه الحقيقه
سعات كتيره بنفكر ان احتياجتنا هي مصدر شبعنا وراحتنا وهو اللي هاتعطينا الفرح الحقيقي وسعات كتيره بننشغل وعايزين اللي قلبنا وبننسي اللي الرب بيضعه في حياتنا كل يوم بمتلئ من جوه بالتذمر علي ربنا بدون ان ندري بسبب لما بنطلب من الرب احتياجتنا وبنقله مش هانفرح غير لما ده يتحقق لكن خلينا نتعلم من بدايه سنه جديده اننا ننسي الفكر القديم ونتعلم اننا نشكر علي كل حاجه حولينا هاتقولي اشكر الرب علي ايه هاقولك هاتلاقي امور كتيره تشكره عليها بس انت ركز علي اللي الرب بيعمله لحياتك
اول ماتصحي من النوم الصبح انت طبعا نايم في سرير ومتغطي ببطانيه في ناس بره بتعيش في الشارع وبنتام في الشارع وبتتغطي بورق جرايد وسعات ولا حاجه مش دي حاجه تشكر الرب عليها!
لما الرب كل يوم بتلاقي أكل في البيت وبتأكل وبتشبع في ناس في الشارع بتأكل من القمامه مش دي حاجه تشكر الرب عليها!
عندك تلفازيون وكمبيوتر وموبيل وامور كتيره واجهزه في بيتك في ناس عندها شقه وعايشه فيها بس مش عندها كل الاجهزه الترفيهيه مش دي امور تشكر عليها!
الرب مهتم بيك دايما ومحتاجنا اننا في كل يوم نتعلم اننا نشكره علي كل اللي عندنا ومش بس كدا ده في امور تانيه بتحصل وانت رايح شغلك او و انتي نازله السوق او في اي امر تاني هاتلاقي امور كتيره تشكر الرب عليها والشكر بس مش في اخر السنه الشكر كل يوم في حياتك اتعلم انك تشكر علشان ماتسمحش لابليس يملئ قلبك بالتذمر علي الرب حتي لو انت ماخرجتش ده في صوره كلمات
صدق دايما ان الرب حنين ورحيم مش علشان يسدد كل احتياجاتك الرب يسوع هو علاقه حب بينك وبينه هو علاقه متبادله ودايما صدق ان الشبع الحقيقي هو في يسوع
لما آدم كان في الجنه مكنش في اي من الامور اللي حولينا علشان ينشغل بيها فا ديما كان ملتصق بالرب وبيتكلم معاه وبعدين لما خلق حواء هو مش يقصد ان بيعطهاله علشان ينشغل بيها عن الرب ده حب الرب بيحبك علشان كدا هايعطيك زوجه او يعطيكي زوج لانه بيحبك لان مصدر الحب الاول والشبع الحقيقي منه كل يوم هو يسوع
احذروا ياشعب المسيح

رد: حبك اطيب من الخمر
 

ميرسي على مشاركتك الجميلة

رد: حبك اطيب من الخمر