منتدى الفرح المسيحى - يعنى عادى......

https://upload.chjoy.com/uploads/1461834251761.jpg

يعني عادي ..
لما أقرب حد منك يجرحك ،
لما ينسي ذكرياتكم كلها
يعني عادي ..
لما تيجي الطعنة من واحد حبيبك ،
حتي لو كان لسه بايسك قبلها
قالوا إن زمان يهوذا ..
باع و خان
بس كان ..
لسه واكل برضه من نفس الطبق ..
اللي كل منه المسيح ،
لسه طعم العشرة من جواه مراحش
لسه كان قاعد معاه
حد يعرف .. ليه ضميره متوجعش ؟!
أصله داس علي كل حاجة حلوة كانت جوه منه ،
لما باع سيده الليلادي
لأ وإيه .. ؟!
باعه يومها رخيص أوي
سلم القلب اللي حبه .. للأعادي
يعني عادي !!

"مينا مجدي"