منتدى الفرح المسيحى - من فضلك استلم رسالة العدرا مريم ليك

https://upload.chjoy.com/uploads/1461604900021.jpg
انا مريم...
و دا ابنى يسوع...
كنت عايزة اقولك حاجة واحدة بس ..
ابنى مات
قدام عنيا..
مات...
نزل الارض مخصوص عشان يتعذب ويتشتم و يتبصق علي وجهه و
يتجلد و ينصلب زى المجرمين..
كل دا عشان مين...
عشانك انت.
مش سهل عليا انا أم ..
انى اشوف ابنى وحيدى يموت قدام عنيا ...لكن اقول
ايه...
مش بأيدى انى امنعه...
هو جاى الارض عشان كدة
مخصوص...
يموت...
يسوع ابنى حبك اوى ..
اكتر مما تتخيل ..
ابنى
مات..
مات عشان انت تعيش ..
مفيش حب اكتر من كدة..
ياريت تقدر شعور الام و ابنها بيموت قدامها عشان
ناس كتير ...
عشان كل البشرية...
ياريت تبادله حبه ليك بحب ولو بحجم قلبك كفاية قلبك ...
صدقنى دا مايجيش
واحد من بلايين مما حبك...
تخيل حتى لو مليت قلبك بحبه..
برده هو بيحبك اكتر
بكتير اوى يا بنى...
يسوع ابنى طيب و حنين اسألونى انا..
انا اللى عرفاه و مربياه..
يسوع كان بس
مستنى حد يقوله ..
الحقنى يابويا..
محتاجك
عشان يجرى عليه و يمسك اديه و يقوله انا هنا يابنى..
جانبك
ياريت تبص علي كل الدم اللى على جسمه اللى اتهرى من سوط الجنود و
اكليل الشوك و الاهانات و التفل و الضرب و الكراهية اللى بادلها بالحب
....استحمل كل دا عشانك..
و انت تقدر تستحمل ايه عشان يسوع؟
جه الوقت اللى تسأل فيه نفسك سؤال واحد ..سؤال واحد بس
** قدمت ايه ليسوع لانه فداك