منتدى الفرح المسيحى

قلم الحياة

علشان مزعلش بنتي الصغيرة ,, سبتلها القلم تلعب بيه .. وكانت النتيجة انها رسمت بيه علي ضهر سريرها وللأسف منضفش وفضلت العلامة فيه ومش عايزة تطلع وكان منظره سئ جدا لكل اللي يشوفه
كبرت ودخلت الجامعه وجابت صاحباتها البنات يذاكروا معاها .. كانت محرجه جدا من شكل الأوضه
قالتلي ليه ساعتها مزعقتليش وخدته مني !! كنت هعيط دقيقه ولا دقيقتين ولا حتي اليوم بطوله
بس كانت الأوضه هتبقي شكلها نضيف وحلو ومُشَرّف
قولتلها حقك عليا .. انا مبصتش لقدام .. كان كل همي اني افرحك في لحظتها
ربنا بقى .. ميهموش فرح اللحظة قد مايهمه فرح قدام ..
جايز ياخد منك قلمك .. جايز يسيبك تعيط شوية .. لكن عمره مايسمح انك تشخبط في حياتك بالحبر
وان سمح ببعض الشخبطه البسيطه فتأكد ان اللي في ايدك قلم رصاص .. استيكته هتقابلها في المستقبل

لو في حياتك ضيق بسبب اخطاء عملتها ,, اعرف انها بالرصاص .. وهتتشال من حياتك ..
ولو في حياتك ضيق بسبب اماني متحققتش ,, اعرف انها بالحبر وكانت هتبوظلك حياتك ..

القلم اللي هياخده من عِشك
افضل من القلم اللي هتاخده على وشك