منتدى الفرح المسيحى - ترنيمة حب للبابا شنودة الثالث

منتدى الفرح المسيحى (https://www.chjoy.com/vb/index.php)

- قسم المواهب المسيحية (https://www.chjoy.com/vb/forumdisplay.php?f=147)

- - ترنيمة حب للبابا شنودة الثالث (https://www.chjoy.com/vb/showthread.php?t=421756)

ترنيمة حب للبابا شنودة الثالث

]كان وسط ناسه
وكان عايش حاسس مآسيهم
كان مخرج أنفاسه
انه يضم رعية يناديهم
وكان هدفه
يرضى اللي وصاه عليهم
البابا شنودة قال الكل عندي ولادي
كان جواه كنز ظاهر في كل بلاد الوادى
والمحبة والود وسط الكل بيسند بيها
قلوب صغار بعطاءه ليهم بيغطيها

كان مليان فكره شغال طول العمر
مشاعره انهار شاعر كاتب نهره غمر

يوعد ويوفي ونشاطه فوق الإنسان
واحد وكأنه بعشرة راعي خراف وكمان فنان

ضحكة طفل علي وجههه علي طول مرسومة
وكلمته في وسط الشعوب كانت محسومة

اجاباته كانت حاضرة لكل أسئلة شعبه
عمره ما شعر بتعب من عمله
بل كان يلقي لذة فى عمله وتعبه

لأجل المسيح كان مستعد عمره ما يرتاح
كانت كلماته تعزية لكل تعبان مليان جراح
بعظة واحدة كان يلتف حواليه ملايين
اصل حبيب الكل اسمه وحبيب الملايين
ناس حبيته بصوته وصيته باين جواه الحنين
ازاي يتنسي اللي كنوزه مالية الكون المسيحي سنين

عايش يابابا شنودة بينا وشايفنا كلنا من السما بكل عناية
واللي يطلبك تشفع له وكأنك لسة بتكمل رسالة رعاية

طوباك ياللي سكنت السما وغلبت بعد حروب عديدة
من ساعة ما دخلت الكرم والتجارب كانت شديدة
وكمان من امانتك جمعت نفوس كانت في يوم شريدة

صلي من اجلنا ياابانا نغلب وسط بحور تجارب
نفسي اللي بتوه وضل وقلبي نفسي يكون غالب

أرجوك صلي لي ياسيدنا
محتاجة صلواتك كتير
نفسي صغيرة ومحتاجة صلاة
قوية تهز كياني بتغيير
اتغير وأتوب وارجع
أثبت في يسوع ويثبت فيا
وانول بصلاتك تحرير