منتدى الفرح المسيحى - فينك يا ابن المحظوظه

فينك يا ابن المحظوظه
ياللي هحبك وهكون ليك
فينك بقي ياض ياللي امك
دعيالك .. مش داعيه عليك
انا عايزاك أمور وكيوت
تتعاكس وانت معايا
متبصش ابدآ بره
اصلك واخد قمرايه
مهما هقولك توافقني
تعرف بس تدلعني
وتكون طيب زي كريم
او زي مهند يعني
تقدر جدآ تفهمني ..
وتكون اقرب من نفسي
وقت ما هزعل تصالحني ..
وانشالله ب '' واحده جلاكسي '' ‏‎
مش عايزه شاليه ف مارينا
ولا شبكه و شقه وأملاك
حلمي يادوبك علي أدي
اتطمن علي نفسي معاك
واتجوز بقي واتستت
واجيبلك حتة عيل
اتأخرت عليا كتير
انجز واخلص يا منيل ‏‎
'' مينا مجدي ''