منتدى الفرح المسيحى - وعهد الله وحشتيني ! ♥

تقوللي : الو ..
واقولها : مين ؟!
تقوللي : انا واحده بتحبك
وعايزاك بس ف دقيقتين
وبكتم ضحكتي لحسن ..
يبان اني خلاص حنيت
تقوللي : عامل ايه طيب ؟!
اقول عادي .. واهه ف البيت
وارد بتقل قال يعني
انا زعلان ومتضايق
تقوللي : يا قلبي عديها
خصامنا علينا مش لايق
وجالك قلب يا معلم ..
تسبني لوحدي طول الليل
بموت يا حبيبي ف خصامك
يا مز انت يا واد يا تقيل ‏‎
اروح ضاحك بصوت عالي
واقولها ماشي بس بشرط ‏‎
تقوللي : يا اسطي انا موافقه
وهو انا عندي زيك حد
اقولها : هاتي حضن كبير
عشان عايزك تصالحيني
فتضحك ضحكه مجنونه
تقوللي : هييييييح .. من عيني
اقول وانا قلبي بيزغرط :
وعهد الله وحشتيني ! ♥
"مينا مجدي"