كام سؤال كدا عايز اسألهم للخدام و الكهنة او بمعني اوسع كل الرعاة؟
-اولهم ايه نظرتك للناس حواليك؟
-لو واحد و معروف في الدنيا كلها انه شحص سئ ياتري نظرتك ليه هاتكون ازاي و طريقة تعاملك معاه هاتكون ازاي؟
-ياتري انت في خدمتك بتهتم بمين بالمؤمنين و لا اللي الناس شايفاهم وحشين و خاطيين؟
-يا تري لو واحد وحش دخل الكنيسة اول ما تشوفه هاتقول ايه اللي جابه و جاي يعمل ايه ولا هتفرح انه جه الكنيسة؟
-يا تري انت عندك استعداد تقرب من الناس اللي بعيدة عن ربنا و تقربهم ليه ؟
-ياتري انت شايف نفسك انك افضل من اللي بتخدمهم و احسن و مؤمن عنهم و انهم خطاة و انت اللي بار ولا ايه؟
-ممكن تقرب من الناس اللي هما خطاة عشان تعرفهم المسيح من غير ما تخاف علي منظرك قدام الناس؟
-يا تري هتشارك الناس في ادانة الخطاة ولا هاتحاول تخفف عنهم و للمسيح تكسبهم؟
-عندك غيرة ع الناس اللي بعيدة عن ربنا ولا
الموضوع عادي؟....الخ
الاسئلة دي مش بس للخدام لكن ممكن تتوجه للناس اللي بعيدة عن حقل الخدمة
اسئلة واسعة في معناها و كمان اجاباتها
جاوب عليها بينك و بين نفسك و قيم نفسك اذا كنت خادم او لأ