منتدى الفرح المسيحى - استخدامات سحرية لبودرة التلك لم تكن تعرفها

استخدامات سحرية لبودرة التلك لم تكن تعرفها

https://www.christian-dogma.com/im0ph...=352.6875&.jpg

نستعرض لكم فى هذا المقال عدة استخدامات لبودرة التلك لم تكن تعرفها من قبل ستجعل حياتك اسهل .
تزييق ارضية الباركيه

الناس اللى عندها ارضيات باركيه فى البيت عارفه انه بعد فترة بيبقى فى صوت تزييق مزعج جدا , طب الحل بكل بساطة رش بودرة تلك فى الفراغات بين الباركيه و وداعا للتزييق .
رائحة الاثاث
سايب شقتك بقالك كتير او عندك عفش مش مستخدم و مركون وريحته ابتدت تظهر فيها رائحة مش لطيفة , الحل فى بودرة التلك , رش شوية بودرة فى الادراج ومن برا وانسى الرائحة الكريهة .
النمل
ايوه العنوان صحيح , انتى عارفة انك ممكن تستخدمى بودرة التلك احسن من المبيدات الحشرية وتوفقى مسار النمل لبيتك او مطبخ بشوية بودرة تلك لان الحشرات مش بتحب ريحتها .
الحر و تلزيق السرير
عارف انك ممكن ترش شوية بودرة تحت الملاية على المرطبة مباشرة , هتمتص العرق وتحسسك ان السرير ساقع كمان .
تعقد السلاسل
عندك سلسلة اتشبكت فى بعضها ومش عارفة تفكيها , كل اللى هتعمليه انك هترشى عليها شوية بودرة تلك وتسبيها شوية , وهتتفك معاكى بكل سهولة .
رموش اكبر
كل اللى هتعمليه هتحطى شوية بودرة على قطنة الاذن او اى اداة مناسبة وتعملى بيها رموشك قبل وضع المسكرا و لاحظى ان رموشك بقت اكبر .