منتدى الفرح المسيحى - جواب لماما العدرا من ورا بابا يسوع!!!!

https://upload.chjoy.com/uploads/1451417813831.jpeg

طفل بيكتب جواب لماما العدرا من ورا بابا يسوع !!!

ازيك يا ماما العدرا عاملة ايه دلوقتى
بقولك ايه انا كنت عاوزك فى موضوع بس مش عاوز بابا يسوع يعرف حاولى تقومى من جنبه كده او تتكلمى بصوت واطى ماشى
بصى يا ماما العدرا ....
عيد ميلاد بابا يسوع قرب وانا نفسى اجبله هديه بس مش عارف هو نفسه فى ايه ...انتى مامته واكيد عارفة هو محتاج ايه
بصى يا ماما العدرا ....حاولى تعرفى منه هو نفسه فى ايه فى عيد ميلاده بس من غير ما يعرف ان انا قلتلك حاجة علشان عاوزها تكون مفاجاة ...هو علطول بيجبلى حاجات كتير اوى ومن غير ما اطلبها كمان
ولما بسال ماما وبابا بيقولولى هو سألنا واحنا قلناله انت كان نفسك فى ايه
فانا قلت اسالك انتى علشان انتى مامته واكيد عارفة هو عاوز ايه
بس اعرفى بسرعة علشان الحق اشترى الهدية انا كل يوم كنت بحط فى الحصالة نص جنية من مصروفى علشان احوش ثمن الهدية
ماتنسيش يا ماما العدرا علشان خاطرى
بااااى بقى دلوقتى ..علشان ماما بتنده عليا ماشى

انها براءه الاطفال وحبهم للطفل يسوع الملك المسيح
الذى انار حياتنا بحضوره البهى ومجيئه على الارض
( ان لم ترجعوا وتصيروا مثل الاطفال لن تدخلوا ملكوت السموات)