منتدى الفرح المسيحى

https://upload.chjoy.com/uploads/1446569071871.jpg

هوانا مستعد؟؟؟

مستعد انى أقابلك
انى اشوفك.... انى حتى لو اليوم ده جه مستعد انى اقدملك حساب وزنتى ...
هو انا استحق فعلا ابقى ابنك ؟؟
هاقدر يارب اقف قدامك واقولك انا عملت ايه يوم ما تسالنى ؟؟؟
مش عارف انا مل ماافكر فى السؤال ده ببقى خايف
ببقى مش عارف اقولك ايه ولا ايه
ببقى عايز اجرى واعترف واتناول واصلى
كانه اخر يوم فى عمرى..
انا مش عارف يومى ده امتى
هو انت هتعرفنى يومى ده جاى امتى
ولا هتيجى فى وقت انا معرفوش ؟؟
محتار اوى بجد ونفسى اسمعك واكلمك وعارف لما قلبك يدق جامد وتبقى خايف وحاسس ان خلاص الوقت فات اهو انا كده حاسس الاحساس ده دلوقتى
حاسس ان الدنيا بتصغر فى عنيا
وكل الوشوش اللى حواليا والاقنعة بشوفها وشوش حقيقية
وشايف نفسي كويس مش عايز حد يزعل منى لو حتى كنت غلطت فى يوم من الايام لو كان بالفكر حتى انا اسف
يارب ليا طلب عارف انه مش من حقى
لكن عارف انك حنين وطيب وروءف
ساعة ما اكون جاهز ارجوك متتأخرش