منتدى الفرح المسيحى - 8 أنواع من الشباب الجامعي.. احذريهم

8 أنواع من الشباب الجامعي.. احذريهم
https://www.light-dark.net/photosuplo...8562222222.jpg
نشرت صفحة "خمسة بلس حاجات" عبر موقع التواصل الاجتماعى "فيس بوك"، عددا من أنواع الشباب الذين ستقابلهم الفتيات في الجامعة مع وصف لكل منهم، ورصدتهم كالتالى:

1- الدحيح
قالت الصفحة إن الجامعى «الدحيح»:«غالبا هتلاقيه على طول في أول المدرج وهتلاقي الدفعة كلها محدش بيعبره إلا في أيام الامتحانات عشان الملخصات».

2- النحنوح
ووصفت الشخص «النحنوح» بـ: ده هتلمحيه من بعيد بيسبل لأى قطة معدية أو أي أستيكة معدية يعني أي أنثى وخلاص.. واللي تشبك من غير ما يعرفها هيقولها خلى بالك من نفسك، وممكن تفتح التلاجة تلاقيه قاعد فيها عشان يقولها أمشى من قدامها لتبردى».

3- بتاع اتحاد الطلبة
وذكرت:«ده غالبا أول ولد هتصادفيه.. مع حضرتك هيثم من أسرة "فيوتشر" أي مشكلة هتقابلك قولي جزر بس، وغالبا مبيعملش حاجة فمتطلبيش منه حاجة ايون زمبئولك كده».

4 - التنك
وأضافت أيضًا أن هناك نوع رابع هو «التنك»، مضيفة:«ده بقى مش عاجبه بنات كليته وماشي يتريق عليهم.. لو قربتيله هيقول لصاحبه ده أنا في واحدة بتحبنى شبه علبة الزبادي، وهو مش لاقي حد يكح في وشه اصلا».

5- السائح
واستطردت عن الجامعة السائح:«ده بقى جاي الجامعة يتنقل بين الكليات، لدرجة أنه بينسى هو في كلية إيه وممكن تقفشيه في أي مدرج ويمتحن في كليه تانية عادى برضو».

6 - الفاشل
وذكرت أن هناك شخص فاشل وهو:«هتعرفيه من بعيد ما بيمسكش غير نضارته ومفاتيحه ومفيش كافيتريا فيكي ياجامعة مقعدش فيها وده غالبا بيجيب تقديرات متعرفيش ازاى ؟!».

7- الفنان
أما الجامعى الفنان، فقالت عنه الصفحة:«حضرتك أنا مش شايفة أي داعي للجيتار، والله وده بقى هتلاقيه راكن على السلالم ليل نهار وحوليه كام ولد اصلا صدعوا منه بس مكسوفين يقولوله».

8- المعيد
وتابعت:«المعيد.. أيون بقاله 10 سنين في الكلية، وده بقى هتلاقيه مسيطر اكتر من المعيدين مثلا، ماهو مربيهم على أيده بقى، ده ياحبيبتى ابعدي عنه ده شاف بلاوي سودة، الترتر ده مش هيفيدك وقتها وهيضعف موقفك».