منتدى الفرح المسيحى

نادى على وقالى بحبك رفعت عينى لقيته جميل جدا وعظيم جدا جدا فاتعجبت !!!!
فابتسملى وقالى بحبك
قولت ازاى تحبنى !!!!وازاى اصلا تبصلى !!
ده انا وحشة وفقيرة واهلى قاسييين وبيئتى حقيره
فابتسملى وقالى بحبك
قالى انا جايلك فى بلدك وهقولك بحبك قدام كل اهلك
قولت بس اهلى ناس شريرة مليانيين حقد وغيره هيجرحوك هيهنوك ومش هيقبلوك
فابتسملى وقالى بحبك
لقيته جاى متنكر فى انسان بسيط وقدام كل الناس قالى بحبك
حب عجيب ماانا هو العظيم
لكن اهلى قالوا ازاى تيجى هنا!!!وازاى تقول كده !!!!
قالى انا عظيم جدا دا انا هو
قالوا ازاى تقول كده وانت زيك زينا !!!!
ازاى تتشبه بملك عظيم وانت اصلا ااقل مننا !!!
فبص وقال بحبكم
انا كنت مصدقاه لانى عرفاه وحزنت جدا لما لقيت الناس مكدباه ....بصلى بحزن وقالى بحبك
اخدوه منى وجروه وعروه وهانوه.... جلدوه وفجاه قالوووووا اصلبووووه ...صرخت وقولت سيبوه
ذنبه انه حبنى مسمعوش وقالوووو اصلبووووه
روحت وراهم
وصلبوا حبيبى عشان حبنى ومحدش زيه عرف يحبنى
بكيت عليه وعلى المه بصلى وهو بينزف وقالى بحبك
مااات حبيبى على الصليب صرخت ااااه بكيت بحزن عجيب
اه حبيبى عرفت انى بحبك وبتحبنى بدليل الصليب
قالى حبيبتى متبكيش نسيتى انى القدير وسمحت بكده بس لانى بحبك حب عظيم
حبيبتى افرحى بقيامتى لانى بحبك
قاااام حبيبى وفرح قلبى
فرحت انا جدااا وقولتله بحبك من كل قلبى قالى بس خليكى على الارض شويه مش وحدك انا هاجى بنفسى واخدك