منتدى الفرح المسيحى - الصليب هو مفتاحنا للحياة الأبدية

منتدى الفرح المسيحى (https://www.chjoy.com/vb/index.php)

- قصص مسيحية متنوعة (https://www.chjoy.com/vb/forumdisplay.php?f=42)

- - الصليب هو مفتاحنا للحياة الأبدية (https://www.chjoy.com/vb/showthread.php?t=388451)

الصليب هو مفتاحنا للحياة الأبدية

الصليب هو مفتاحنا للحياة الأبدية

https://images.chjoy.com//uploads/im...b5a83739e7.jpg

كان فى شاب بيحب ربنا أوى أوى
قال لربنا يارب أأمرني أعمل أى شئ إنت تطلبه منى لأنى بحبك أوى...
رد ربنا وقال له .. فى صخره كبيره قدام بيتك كل يوم الصبح زقها بكل طاقتك
قال له حاضر يا رب بسيطه أوى...
بقي كل يوم الصبح يزق الصخره كل يوم لمدة سنة .. الصخره كبيره أوى مش بتتحرك ولا سم ..
جه إبليس بعد سنة قال له إنت يا أهبل إيه اللى بتعمله ده؟!!
قال له بنفذ وصية ربنا
رد إبليس وقال له وهو فى حاجة بتتحرك أصلا؟! الصخره زى ما هي بطل هبل
سمع لكلام إبليس وبدأ يخف بقي كل أسبوع أو كل شهر يزقها مرة
جه يسوع ظهرله وقال له .. عملت إيه سمعت كلامى ؟؟
قال له معلهش يا رب أنا فضلت سنة بنفذ كلامك بس لقيت مفيش فايده مفيش حاجة منظورة بتتغير فبقيت أزقها بقي كل شهر أو لما أفتكر...
رد يسوع وقال له .. ومين قال لك مفيش تغيير تعالى بص فى المراية واخلع القميص
بص فى المراية لقى جسمه متغير أوى كله عضلات ولاحظ إنه بقى أقوى وإزداد صلابة
رد يسوع وقال ... التغيير مش فى اللى قدامك .. التغيير بيحصل جواك 😀
صليبنا وآلامنا وشقائنا في الحياة ما هو إلا وسيلة لتقربنا للرب وملكوته فلا تضجروا من الصليب فهو مفتاحنا للحياة الأبدية