منتدى الفرح المسيحى

القصور اهيا في السما مبنية والرب بناها للقديسين
والقديسين في صورة بهية رايحين ومستعدين

اه لو تعرفوا ياللي تايهين
حلاوة قصوركوا وانتوا تايبين
ياللي مستني في الدنيا قصور
ده الرب داعيك لقصر فوق
وفي الدنيا ملقيتش غير هم محفور
ده قصرك في السما قوم زود الشوق

ياللي متهني وحياتك بقصر عالي في الدنيا وناسي قصر الأبدية
هيفيدك ايه قوم فوق من وهمك مش هتحصد غير نار وآسية

ياللي نفسك في بيت مستور متفتكرش انه نساك
ربك بيبني ليك قصور ده عينه عليك هنا وهنااااااااك

قوموا ياتايبين صلوا كل حين وإملوا مصابيحكم بزيت وتعلن في اوانها
يوم ما ترحلوا من دنيا الأنين تلقوا قصوركوا فتحالكوا بيبانها

قوموا ياناسيين يوم الحساب فوقوا من اوهامكم متبقوش نايمين
هتندموا لما أعمالكم تقودكم للعذاب ومتلقوش قدامكم غير الأنين

افرحوا ياحزاني هتحصدوا ابتهاج في السما متعزيين

احزنوا ياللي ضحككم في الدنيا اخرته نار وقلب حزين

دي السما بتفرح بخاطي واحد يتوب اكتر من تسعة وتسعين بار للتوبة مش محتاجين

تعالوا نزود عدد اللي بسببهم السما فرحانة نزود عدد التايبين
خسارة يضيع عمرنا خسارة واحنا لسة في أوهامنا عايشين

تعالوا نحلم ببوابة السموات واحنا طالعين
مفتوحة لينا ولتعداد الناس التايبين
أتخيلوا معايا العرس السماوي بس نزود جوانا الحنين
واخدنا معاه ماسك بايديناومستنينا باقي القديسين

افرحوا مع الفرحين افرحوا في الرب كل حين ومافيش تاني لا بكا ولا حزن ولا انين

افرحوا ياتايبين