منتدى الفرح المسيحى

منتدى الفرح المسيحى (https://www.chjoy.com/vb/index.php)
-   شبابيات الفرح المسيحى (https://www.chjoy.com/vb/forumdisplay.php?f=91)
-   -   أغرب طرق ونصائح الفتيات لتطفيش العريس (https://www.chjoy.com/vb/showthread.php?t=374899)

Mary Naeem 10 - 07 - 2015 05:47 PM

أغرب طرق ونصائح الفتيات لتطفيش العريس
 
أغرب طرق ونصائح الفتيات لتطفيش العريس
https://www.light-dark.net/photosuplo...ages%20(3).jpg
شرت صفحة «society problems» مشكلة لإحدى الفتيات تطلب فيها المساعدة حتى تتمكن من تطفيش العريس المتقدم لها، وكانت نص الرسالة كالتالي: "السلام عليكم أنا عاوزة طريقة أطفش بيها عريس متقدم لي والسبب إن لسه صغيرة والعريس سنه كبير واللي حابب يتريق يتريق فكما تدين تدان"، والغريب في الأمر كانت ردود الفتيات على عكس ما هو متوقع والتي وضحت مدى خططهم الكثيرة في تطفيش العرسان وكانت التعليقات كالتالي.

«اعملي مجنونة»
وقالت هبة أحمد في تعليقها: "أول ما تقعدوا لوحدكم ويسألك أخبار الدراسة إيه قوليله في وشه بخ واضحكي هيفكر أنك مجنونة ويبعد بسرعة.. الطريقة دي متجربة وجابت نتيجة".

«قوليله بحب واحد تاني»
وعلقت إلينا لينا: "بصي ركزي معايا الحركة دي نفعت معايا كتير، أول ما تقعدوا قوليله ممكن أقولك سر، هيقولك اتفضلي، قوليله أنا بحب واحد أوي ومش هقدر أسيبه بس مش هقدر أقول لأهلي ياريت تبقى إنسان محترم وتجيب الرفض منك بس كل واحد ورد فعله يعني ممكن ياخد الجاتوه اللي جابه ويمشي عادي خالص حقه".

«اتكبري عليه»
فيما نصحت سمر محمد في تعليقها: "بصي يا ستي أنا خبرة في الحاجات دي، انتي تبصيله بقرف وكل ما يكلمك اوعي تديله أي اهتمام واتكبري عليه وحسسيه إنه ولا فارق معاكي وطلعيله أي حاجة وحشة فيكي وأهم حاجة تبصيله بقرف كده هيطفش منك بس لو عايزاه ينتحر اخرجي من غير مكياج".

«اتكلمي معاه في السياسة»
وقالت إسراء حمدي: "حطيله ملح في الشاي هيروح تافف في وشك، تروحي ضارباه ولو راجل يتجوز واحدة ضربته"، وقالت هدير الإماوي: "ده مفيش أسهل من التطفيش، اتكلمي معاه في السياسة، شوفيه منتمي لأي تيار، لو ربعاوي خليكي سيساوية وغيري نغمة التليفون خليها تسلم الأيادي، واتفقي مع صاحبتك ترنلك كل شوية، أما لو كان سيساوي فخليكي ربعاوية وشغلي أغنية مصر إسلامية، هيطفش منك ويسيبك بسرعة".

«حطي كحل في عين وسيبي التانية»
وأخيرا نصحتها سمر السيد بأن تضع الكحل في عين وتترك العين الأخرى بدون كحل أو أي مكياج وستظهر بأنها حولة أو بها عيب في عينيها ويتركها على الفور دون أي مناقشة.

http://www.vetogate.com/upload/photo...0x1000/700.jpg
http://www.vetogate.com/upload/photo...0x1000/701.jpg
http://www.vetogate.com/upload/photo...0x1000/702.jpg

kerstena 12 - 07 - 2015 06:35 PM

رد: أغرب طرق ونصائح الفتيات لتطفيش العريس
 
ههههه حلوه دي

Mary Naeem 13 - 07 - 2015 03:00 PM

رد: أغرب طرق ونصائح الفتيات لتطفيش العريس
 
شكرا على المرور

Rena Jesus 03 - 05 - 2016 09:57 AM

رد: أغرب طرق ونصائح الفتيات لتطفيش العريس
 
هههههههههههههههههههههه
افكار ممتازه

Mary Naeem 03 - 05 - 2016 10:44 AM

رد: أغرب طرق ونصائح الفتيات لتطفيش العريس
 
شكرا على المرور

ميرو 03 - 05 - 2016 11:46 AM

رد: أغرب طرق ونصائح الفتيات لتطفيش العريس
 
ههههههههههههههه
كدا فله

Mary Naeem 04 - 05 - 2016 04:30 PM

رد: أغرب طرق ونصائح الفتيات لتطفيش العريس
 
شكرا على المرور


الساعة الآن 08:29 PM

Powered by vBulletin® Copyright ©2000 - 2025