منتدى الفرح المسيحى - شوية مفاهيم ممكن متكونش عارفها عن صوم شوية مفاهيم ممكن متكونش عارفها عن صوم المسيحيين

شوية مفاهيم ممكن متكونش عارفها عن صوم https://www.light-dark.net/photosuplo...ceoou_ou12.png

بمناسبة صوم رمضان ... شوية مفاهيم ممكن متكونش عارفها عن صوم المسيحيين:
1- المعلومة الأولى أن المسيحين بيصوموا

1- بيصوموا في المتوسط 156 يوم في السنة غير أيام الاربع والجمعة اللي هي برضو صيام حتى في خارج ايام الصيام التقليدي يعني حوالي 65% من أيام السنة .
ملحوظة : اللي حابب يصوم اكتر براحته
زي ما بيعمل الرهبان كده

2- عندهم صوم انقطاعي من 12 بالليل لغاية 3 العصر وفيه كتير من الناس بيمدوها لغاية 5 المغرب ( انقطاعى يعنى بدون اكل او شرب نهائي)
3- لما بيفطروا بعد الانقطاعي ده .. مبيكونش على لحمة وفراخ إنما فول وطعمية ومشتقات النباتيات
4- فيه بعض الاصوام بيكون مسموح الفطار فيها على أسماك (إنما اللحوم ومشتقاتها ممنوعة تماما)
5- الصوم مش إجباري إنما بمحبة اللي عاوز يصوم
6- مفهوم الصوم عندهم أوسع وأشمل بكتير من مجرد انقطاع عن الاكل انما تدريب على التحكم في النفس واستغلال الوقت ده في مساعدة المحتاجين ... انما اللي بيصوم تأدية واجب وخلاص وهو كاره نفسه .. فكأنه معملش حاجة

7- كمان من وصايا السيد المسيح بخصوص الصيام (إنك وانت صايم تغسل وشك وتظبط شعرك ومتضايقش ولا تزعل غيرك وتظهر مبسوط) يعنى مش مكلضم لكن مبسوط ووشك مليان محبه :)
عشان ميبانش للناس إنك صايم وإلا فإنت كده بتصوملهم مش لربنا ... وإيه الفايدة كده ؟؟َ
وكل سنة وانتو طيبين