منتدى الفرح المسيحى

https://files.arabchurch.com/upload/i...1679241145.png

أيوب يا اللى اشتكى الصبر منك
عشت تجارب ومحدش شال عنك
تعب الشيطان من قوة ايمان قلبك
ولا عرف يكسرك أو يهز صبرك
يا ابونا ايوب صبرك لربنا اشتكانا
لا بنعرف نصبر على همنا وأسانا
وعلى طول نتذمر ونقوله كفانا
طالت التجربة يارب ومين عزانا
يا أيوب البار ضربوا بيك المثل
فى الصبر والاحتمال كنت جبل
وفى طول البال أكتر من احتمل
والكل بعدوا عنك ولا جالك ملل
علمنا بيك ربنا ازاى حياتنا نعيش
ونقتدى بصبرك بحب ما ينتهيش
ودايما زيك نشكر حتى لو مفيش
دا مات عنا كلنا لأجل ما نعيش
صليبك يارب فوق راسى وعقلى
بنعمتك علمنى صبر ايوب ياربى
وأكسر عين أبليس وعنك أحكى
ازاى أديتنى حياة يا من ملك قلبى
شريف سعد