منتدى الفرح المسيحى - طرق عمل شموع رومانسية , ممكن تعملي ايه بالشمع القديم

طرق عمل شموع رومانسية , ممكن تعملي ايه بالشمع القديم

الأدوات:
خيط قطن سميك
اصداف بحريه (قواقع)
شمع قديم اتكسر عندك لونه ابيض او ملون حسب رغبتك
جليتر
زيت عطري (فل او ياسمين) اي زيت عطري حسب الرغبه
محقن(سرنجه)
مقص
الوان شمع

http://forum.mn66.com/storeimg/img_1336539318_686.jpg

الطريقه:
هتسخني اي شمع عندك قديم او متكسر في حمام مائي
وبعد كده هتضيفي معاه قطعه من الوان الشمع وتختاري اللون اللي انتي عايزاه
وده اذا كان الشمع ابيض اما اذا كان الشمع ملون هتستخدميه زي ما هو
وبعد مايسيح الشمع ويدوب اللون فيه
هتصبيه في القواقع اللي عندك وتكوني مجهزه الخيط اللي هتحطيه فيها ومجهزه
في المحقن الزيت العطري
بعد ماتصبي الشمعه هتنقطي بالمحقن شويه من الزيت في الشمعه قبل ما تبرد
وبعد كده هتحطي الخيط بشكل عمودي وتصبري شويه
لغاية ما وش الشمع يتجمد وبعدين تحطي القواقع في الفريزر حتي تتجمد فترة
من 10 الى 15 دقيقه هتخرجيه وترشي عليه من فوق بالمحقن شوية
زيت عطري وبعدين ترشي عليه جليتر حسب لون الشمعه
ممكن تحطيه في كاسه فيها ماء زي ما انا عملت
وممكن تحطيه في طبق زجاج شفاف وتحطي فيه من تحت اصداف صغيره و
احجار ملونه وماء

وده الشكل النهائي

http://forum.mn66.com/storeimg/img_1336539319_143.jpg