منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قصص مسيحية متنوعة (https://www.chjoy.com/vb/forumdisplay.php?f=42)
-   -   قصة خطف بيشوى نادر ومعجزة رجوعه مع حقائق هامة (https://www.chjoy.com/vb/showthread.php?t=354323)

Ƒ̐ὰ̗đƴ 14 - 03 - 2015 09:05 PM

قصة خطف بيشوى نادر ومعجزة رجوعه مع حقائق هامة
 
http://xm.tl/a1039423

قصة خطف الطفل " بيشوي نادي " و ازاي ربنا رجعه بمعجزة
اولا : الصورة دي اثناء لحظة الخطف !!! هما كانوا واقفين قدام الميكروباس الابيض و اللي كانت بتخطفه البنت اللي لابسه Pink و كانت المقصود انها بتحاول تشده ورا العربية الزيتي علشان تستخبي من الكاميرا لكن الولد كان بيعافر فاضطرت تغطي وشها بالاشارب ال Pink بايدها اليمين وماسكة الولد بايدها الشمال و اللي كان واقف علي شمالها ( ولابس اخضر ) بردو عن قصد انها تخبيه من عيون الكاميرا !! و اللي كان واضح من الفيديو انها ماكانتش عارفه تشيله فكانت بتشده من ايده علشان يمشي معاها لان الايشارب كان بيقع من علي وشها و طبيعي الولد كان تقيل عليها لان البنت عندها 9 سنين و ده كان الاغرب علي الطلاق !!!! الكلام ده كان يوم الثلاثاء 10/3/2015 الساعة 10:55 بالليل في شارع احمد رافع ..
ثانيا : تم عمل محضر بقسم الساحل و اللي بدوره بدأ مع عائلة الطفل بيشوي البحث عنه من وقت البلاغ و حتي لحظة العثور علي الولد يوم الخميس 12/3/2015 الساعة 3:30 الفجر !! يعني الولد فضل مختفي عن الانظار حوالي 29 ساعة و فاتوا ليلتين و هو بايت بره البيت ..
في الوقت ده : كان بيشوي بيتنقل مع البنت من مكان لمكان طبعا بعد ما غيرتله هدومه اللي كانت مامته ملابساهاله اللي هو ترينج النوم علشان محدش يشبه عليه من هدومه و هما بيدوروا عليه ! ! و لبسته هدوم خفيفة و مقطعة .. فطبيعة الاطفال النقية البسيطة : ان الولد تعب و كان لازم ينام ! فطبعا بالهدوم الخفيفة اللي عليه نام في مكان مفتوح ! بس في الاول الولد كان قلقان مش عارف هو فين و اكيد سقعان فالبنت علشان تنيمه زي مابتقول قعدت تقرصه في عينه من فوق جفونه و اثار ضوافرها معلمة حتي الان بزرقان فوق العينين و قرصة في صدره باينه برده و قرصة كمان في رجله .. فصحي الاربع الصبح عيان و سخن لانه كان مخفف مع الجو البارد ! البنت خافت لحسن الولد يحصله حاجة فطلعت بيه علي اقرب مستشفي (ماوصلتش لاسمها) و الدكتور كتبله علي دواء مسكن و خافض حرارة Brufen .. بعد كده روحت بيتها عند مامتها و غالبا قضت هناك بقيت الوقت و معاها الولد !! كل ده و رحلة البحث عن الخروف الضال كانت شغالة علي اكمل وجه .. لغاية ما قدروا يوصلوا للبنت في منزلها غالبا مابين قسم الساحل و كنيسة مارمرقس في الشوارع الجانبية .. و ساعتها قالت: انها كانت واخداه و رايحة تسلمه للقسم بما انه طفل صغير و هي لقيته ماشي في الشارع لوحده !!! القسم اتعرف عليه و اتصلوا فورا بعم نادي والد بيشوي اللي جه جري علي القسم و اطمن ان بيشوي بخير مافيهوش حاجة خطيرة بنعمة ربنا + + و مسكوا طبعا البنت او الطفلة !!!! ( 9 سنين ) و من الكلام معاها قالتلهم و اعترفت انها كانت ناوية تبيعه !! و انها خاطفة طفلين كمان اتحركت دورية مع البنت عشان تدلهم علي مكان بقيت الاطفال الاتنين التانين و اتحرك بيشوي مع باباه و ابن اخوا باباه للبيت الخميس 12/3 الساعة 4:00 الظهر ....
السؤال دلوقتي : ازاي طفلة عندها 9 سنين تبقي بالبراعة دي ؟ و ازاي تاخد الولد و تخبي نفسها من كمية الكاميرات الفظيعة اللي كانت في الشارع سواء كانت اللي متثبتة في مداخل العماير ( و دي اللي اخدننا منها الصورة ) او بتاعة محلات قطع الغيار او كل كاميرات الكنيسة ؟ ؟ ! ! ! لازم كانت تكون متدربة كويس علي الكلام ده و ليها في مراقبة تحركات الاشخاص و انتقالاتهم !!
رجاء محبة : محدش يسيب اطفاله اللي في السن الصغير ده يمشوا لوحدهم في الشارع ابدا حتي لو بيتهم يبعد انشاالله ناصية واحدة من الكنيسة او من اي مكان ( مع العلم ان بيت بيشوي هو تالت عمارة من بداية شارع احمد رافع اللي لازق في الكنيسة لزق !! )
و نشكر ربنا علي محبته و رعايته لاولاده لان اللي حصل ده معجزة بكل المقايس و شفاعة الانبا ونس و كل الملايكة و القديسين تكون معانا كلنا ..
( تم بنعمة المسيح )

Mina Youssef Saleb 14 - 03 - 2015 09:41 PM

رد: قصة خطف بيشوى نادر ومعجزة رجوعه مع حقائق هامة
 
ربنا هو الحامى لاولادو

Ƒ̐ὰ̗đƴ 14 - 03 - 2015 09:58 PM

رد: قصة خطف بيشوى نادر ومعجزة رجوعه مع حقائق هامة
 
ميرسى للمرورك يا مينا

sama smsma 14 - 03 - 2015 10:20 PM

رد: قصة خطف بيشوى نادر ومعجزة رجوعه مع حقائق هامة
 
ربنا يحمى اولاده من كل شر

Ƒ̐ὰ̗đƴ 14 - 03 - 2015 11:04 PM

رد: قصة خطف بيشوى نادر ومعجزة رجوعه مع حقائق هامة
 
ميرسى للمرورك يا سمسمة

Mary Naeem 15 - 03 - 2015 09:19 AM

رد: قصة خطف بيشوى نادر ومعجزة رجوعه مع حقائق هامة
 
معقولة بنت عندها 9 سنين تعمل كدا
امال دي لما تكبر تعمل ايه
طيب فين اهلها اللي سيبن ولد في البيت
دي عصابة كبيرة
المهم نشكر ربنا انه رجع الولد لاهله

Ƒ̐ὰ̗đƴ 15 - 03 - 2015 11:14 AM

رد: قصة خطف بيشوى نادر ومعجزة رجوعه مع حقائق هامة
 
ربنا يسترها
ميرس للمرورك الجميل

ماريا تى ثيؤتوكوس 15 - 03 - 2015 12:41 PM

رد: قصة خطف بيشوى نادر ومعجزة رجوعه مع حقائق هامة
 
ربنا يحمى كل اولاده من اى شر
ميرسى للقصه فادى
ربنا يعوض تعب محبتك

Ƒ̐ὰ̗đƴ 15 - 03 - 2015 05:31 PM

رد: قصة خطف بيشوى نادر ومعجزة رجوعه مع حقائق هامة
 
ميرس للمرورك الجميل


الساعة الآن 08:27 PM

Powered by vBulletin® Copyright ©2000 - 2025