منتدى الفرح المسيحى - مره واحد صعيدى لا ...

منتدى الفرح المسيحى (https://www.chjoy.com/vb/index.php)

- قسم المواضيع العامة المتنوعة (https://www.chjoy.com/vb/forumdisplay.php?f=155)

- - مره واحد صعيدى لا ... (https://www.chjoy.com/vb/showthread.php?t=349002)

مره واحد صعيدى لا ...

مرة واحد صعيدى

بيقول لك مرة واحد صعيدى
لأ ..
مرة واحد وعشرين صعيدى
سافروا يشتغلوا فى ليبيا عشان القوت
قوم إتدبحوا من غير ما يطلع لهم صوت
براس مرفوعة لدرجة يخاف منها الموت
+ + +
مرة واحد وعشرين صعيدى
شافوا حياتهم قدام أبديتهم قد كده رخيصة
كتبوا بدمهم سطر جديد فى تاريخ الكنيسة
كانوا أسود واللى دبحهم خايف كأنه الفريسة
+ + +
مرة واحد وعشرين صعيدى
خلّوا البحر الأبيض يبقى الأحمر بدماهم
وشافوا يسوع فوق ف السما بيستناهم
صرخوا بإسمه وندهوا عليه وهو ناداهم
+ + +
مرة واحد وعشرين صعيدى
حيروا العالم وقالوا باين عليهم متخدرين
وناس تقول ده فيلم ودول ممثلين متأجرين
وماحدش عارف سر الإكليل اللى به متبشرين
+ + +
مرة واحد وعشرين صعيدى
واحد قال لهم حأدبحكم قالوا له وماله يا خويا
هو أنا يعنى حأخاف على نفسى أكتر من أبويا
بس إنت إوعى تخاف .. وإن خفت .. غمّى عينك بمنديل بأويا

. حازم كامل

رد: مره واحد صعيدى لا ...

+ + +
مرة واحد وعشرين صعيدى
شافوا حياتهم قدام أبديتهم قد كده رخيصة
كتبوا بدمهم سطر جديد فى تاريخ الكنيسة
كانوا أسود واللى دبحهم خايف كأنه الفريسة
+ + +
مرة واحد وعشرين صعيدى
خلّوا البحر الأبيض يبقى الأحمر بدماهم
وشافوا يسوع فوق ف السما بيستناهم
صرخوا بإسمه وندهوا عليه وهو ناداهم
روعة يا ماريا
حقيقة الكلمات أثرت فىّ تأثير كبير
ودموعى نزلت فى نهاية قراءة الكلمات
وخصوصاً لمّا صرخوا يإسم يسوع وندهوا عليه وناداهم

رد: مره واحد صعيدى لا ...

حلوة قوي يا رمرم
شكرا يا قمر

رد: مره واحد صعيدى لا ...

طريقة موتهم اثرت فينا كلنا بشكل كبير
يمكن الصعايده دايما يتقال عليهم نكت للتريقه
لكنهم اثبتوا قدام العالم كله انهم اسود
غلبوا الموت بشجاعه غير عاديه
وفخر مش للصعايده دول للمسيحيه كلها
فى العالم كله

ميرسى ناصر ومارى للمرور الغالى

رد: مره واحد صعيدى لا ...

ميرسى على موضوعك الجميل

رد: مره واحد صعيدى لا ...

ميرسى روشا حبيبتى لمرورك الغالى

رد: مره واحد صعيدى لا ...

مرة واحد وعشرين صعيدى
حيروا العالم وقالوا باين عليهم متخدرين
وناس تقول ده فيلم ودول ممثلين متأجرين
وماحدش عارف سر الإكليل اللى به متبشرين

عندك حق يا ماريا انا مش قادرة انسى منظرهم ابدا

رد: مره واحد صعيدى لا ...

مش قادرين اوفا لكنهم رفعوا راس
مش المصريين بس ده العالم المسيحى كله
رافع راسه وفخور بيهم
ميرسى اوفا لمروك الغالى حبيبتى

رد: مره واحد صعيدى لا ...

الكلمات رووعه بس بجد دماغى لفت
بس برضو يابختهم
انا بحسدهم بامانه
صلونا كتير

رد: مره واحد صعيدى لا ...

نالو الاكاليل يبقى بجد يا بختهم
ميرسى كاتى الغاليه لمروك الجميل حبيبتى