منتدى الفرح المسيحى - ممكن .. لو سمحت

في حاجات في الحياه بنتعلمها بالكورسات وفي حاجات بالوراثه وفي حاجات بالفهلوه وفي حاجات بالفطره
لكن كمان في حاجات بتكون بالاحساس بتكون فن محتاج احساس مرهف ومحتاج قلب جميل محتفظ بنقاءه
ومن ضمن الحاجات اللي تعتبر من الفنون العظيمه هو الاهتمام
الاهتمام اللي بنسمع عنه كتير اوي محاضرات وكتب هو اه صح محتاج نتعلمه لكنه هو قبل كل ده هو فن
لان الفن دايما مرتبط بالاحساس
الاهتمام يشمل حاجات كتير واجزاء مختلفه
ممكن يكون اهتمام بالنفس او باشخاص وده اكتر الانواع اللي محتاج لاحساس وقلب جميل
ممكن يكونكمان اهتمام باشياء او مواضيع
كام مره كنت مستني من حد انه يهتم بيك ويديك بطريقه معينه وخزلك?
طب كام مره قدمت واهتميت واللي قدامك شاف ان قليل اوي
ازاي بتهتم؟
عمرك حد قالك لو سمحت اهتم بيا؟
او انت طلبت الطلب ده من حد؟
بتهتم بطريقتك ولا بطريقه اللي قدامك ؟
وفي الاخر هقولك حاجه افتكرها كويس
بمقدار انتظارك لاهتمام الاخر بيك اهتم انت بيه
سوسنه مكرم