منتدى الفرح المسيحى - طريقة عمل السجق البلدى

طريقة عمل السجق البلدى
طبعا اسهل حاجة على الاولاد اكل الديلفيري وخصوصا السجق او الكبدة
طيب اية رايك تعرف ازاى تعملى سجق بلدى او اسكندرانى فى البيت احلى من المطعم
يلا جهزى مقاديرك
نص كيلو سجق والافضل تشترى الكيس بلاش الفرط ( فرج الله )
ونجيب بصلة كبيرة
و3 حبات طماطم وسط معقولة يعنى مش صغيرة
وحبة فلفل اخضر وحبة فلفل احمر
وربع ملعقة صغيرة فلفل اسمر
ونص ملعقة ملح ( حسب الرغبة )
وبهارات لو عايزة نكه مختلفة وريحة ( من عند العطار )
ورشة كمون بسيطة
ولو بتحبى الحار حطى شطة
طريقة التحضير
نجيب حلة ونقطع البصلة شرايح رفيعة ونحط شوية زيت او سمنة حسب ما تحبى بس زيت احلى بيكون حفيف على المعدة
ونشوح البصلة شوية وبعدين نقطع الطماطم شرايح بردو ونرميها على البصلة
ونقلبهم لحد ما يغلى وبعد كده نقطع السجق قطع ونحطها على البصل والطماطم وبعد كده نضيف التوابل ونقلب كويس
وقرب ما تستوي الطبخة نبدا نحط الفلفل الاحمر والاخضر ونقلب شوية حولى 10 دقايق وتلاقيه جاهز
وبالهنا والشفا

https://scontent-b-cdg.xx.fbcdn.net/...21&oe=5565F1B2