منتدى الفرح المسيحى - من فضلك اقرا القصه دى لاخرها مهمه جداا وهتغير تفكيرك

من فضلك اقرا القصه دى لاخرها مهمه جداا وهتغير تفكيرك
******************************************

https://scontent-b-ams.xx.fbcdn.net/...0c&oe=54B1C44B

حكايات تشوفها تستغرب تسمعها تستعجب اكتر : فى يوم شاب دخل كنيسة واعد يصلى قدام تمثال السيد المسيح وهو مصلوب فاتكلم مع المسيح وقالة :الشاب : انت مظلوم لية قبلت تتصلب مكانى لا انا مش راضى عن كدة انت لازم تنزل من الصليب وانا اكون مكانك .المسيح : هتقدر على الصليب هتقدر تشيل الذنوب كلها وانت على الصليب ? الش...اب: هقدر المهم انك تنزل من علية المسيح: تعالا اطلع على الصليب زى مانت عاوز ونزل المسيح وطلع الشاب مكانة بس المسيح قال للشاب المسيح: اى حاجة هتشوفها بعنيك ماتكلمش وماتدخلشى فى اى شى اقف بس بص وماتكلمش فهمتنى وسمعتنى الشاب : حاضر لو حصل اية مش هتكلم ؟ودخل واحد غنى جدا واعد يصلى قدام تمثال المسيح اللى اتصلب علية الشاب وبعد ماصلى حط عطاة ونسى محفظتة قدام صندوق العطاء , دخل واحد تانى فقير جدا ومحتاج جدا صلى وبعد كدة شاف المحفظة فرح جدا بيها واخدها ماعرفش الشاب سر فرحة الراجل الغلبان دا اية ؟, شوية تانى واحد كان راكب مركبة شاف الكنيسة دخل وصلى مرة واحدة لقى صوت خبط جامد ودخل البوليس قبض علي الراجل بتاع المركبة بتهمة سرقة المحفظة ودى حكمها فى البلد قطع يد المجرم , شاف كدة الشاب قال فى نفسة اية دا دا ظلم دا حرام ونزل من على الصليب وراح الشاب اتكلم مع البوليس وقالهم مش دا اللى سرق دا راجل عجوز غلبان , راح البوليس ساب الراجل يركب مركبتة ويمشى وقبضوا على الراجل الفقير , جة المسيح وكلم الشاب وقالة :المسيح: مش قلتلك ماتتدخلش فى اى شى بص وبس؟الشاب : ايوة قلتلى بس انا لقيت غلط بيحصل قلت اتدخل المسيح : بسبب تدخلك فى تدبيرى تعالا اقولك انت عملت اية بتدخلك دا ؟الراجل الغنى اللى انت رجعتلة المحفظة خرج وصرف فلوسة على الشرب والضياع مع اصحاب السوء , اما الراجل الفقير اللى اخد المحفظة وكان مبسوط دا كان علشان بنتة عيانة جدا وكان لازم يوديها للدكتور وبسببك بنتة ماتت , عارف الراجل بتاع المركبة اللى انقذتة من البوليس ركب المركبة وهاجت رياح شديدة وغرقتة فى البحر اية رايك بقى بتدخلك فى تدبير امر الله واستعجالك علية دلوقتى انا لازم اخد مكانى على الصليب واشيل تانى حمل البشر فوق عود الصليب .احيانا وكتير ساعات بنطلب من ربنا تغيير مسار حياتنا والاصعب اننا بنصمم على دا وبشدة ومانعرفش ربنا مادبرنا اية اترك الامر لصاحب الامر ولا تفكر فى شى لان المسيح بيدبرلك الامر