منتدى الفرح المسيحى - ربنا قالها لشعبة

ربنا قالها لشعبة و بصوت مسموع
الانبا تواضروس هو راعى الجموع

القرعة الهيكلية اختارتك يوم ميلادك
اكيد دى علامك من الرب لكل ولادك

فرحتنا كبيرة يا ابويا انك بقيت بطرك
بس مش ممكن ننسى ان البابا شنودة كان راعينا قبلك

يا ابويا صيدلانى و بتعرف توصف التداوى
بس احنا محتاجينك تبقى لمشاكلنا مداوى

ربنا يعينك يا ابويا على الكنيسة و الشعب
ربنا يعيطك قوة و تخطى بينا كل الصعب

ربنا موجود و كن مطمن جدا دى كلمات
البابا كرلس و البابا شنودة
متشوقين نسمع كلامك و نحس بايدك الممدودة

يا راعى كنيستنا و راعى شعبها
ربنا يقويك علينا و ترجع لها عزها و مجدها

بنصلى كلنا بقلوب مرفوعة و بايمان
انك تكون راعى لينا و تحسسنا بالامان

شعبك محتاج يطمن و يعيش فى امان
كفاية خطف و تهجير و اهانة للاديان

مبروك عليك عصا الرعية و الكرسى الباباوى
و مستنين حكمتك و ابوتك و تنور لنا الخطاوى

كلمة عايزة اقولها البابا شنودة هيفضل محفور جوا قلوبنا
و لكن ما دمت بقيت راعينا فهنشيلك جوا قلوبنا

مبروك يا ابويا الف مبروك جيت بقرعة هيكلية و اختيار صندوق
من غير دعايا و بوسترات و و لهفة عالمنصب المطلوب

بقولها تانى و تانى الف مبروك علينا يا ابانا
رعيتك ماشين وراك و بيعلنوها بكل امانة

باسم خلف