منتدى الفرح المسيحى - خلاص لقيت الأنبوبة

محمد حامد حسين يكتب:

خلاص لقيت الأنبوبة

http://img.youm7.com/images/NewsPics...1010145159.jpg
أنبوبة بوتاجاز

+++++

خلاص لقيت الأنبوبة
مليتها انا بعد صعوبة
تعالى فى حضنى يا غالية
واحشانى جدا يا ارووبة
مين غيرك انتى يأكلني
بعدك يا غالية ده قاتلني
عايش وحيد انا من غيرك
ولربنا انا بادعييلك
ترخصى ليا شوية
قصدى انا فى النقدية
يا اللى وصلتى ل ال50
امتى هاتبقى اقتصادية
واحشانى جدا يا شقية
لمراتى انتى احلى هدية
خلاص مليت الأنبوبة
وعزمت انا كل صحابي
وصوانى طالعة وداخلة الفرن
والفرحة دقت على بابي
يا دوبك اسمع انا اسمك
اسيب عيالى واقوم اجري
ما اعرفش أكل من غيرك
كان اكلى كله انا دليفري
خلاص مليتك يا ارووبة
انتى الاساس يا لهلوبة
يا مهنيانى ومدفياني
ومنسيانى الشتا فى طوبة
هاعمل فرح وهاعلق نور
واعزم انا كل جيراني
وتتذوقى و تلبسى طرطور
من غيرك انتى العيشة تغور
لو حتى هاقعد من غير نور
خلاص سامحتك على الفراق
وودعت بيكى كل الازمات
وعشان رجوعك
اللى فات مات