منتدى الفرح المسيحى

إكتب ياشاعر ونوُح
نواحك صرخه خوف
طريد شباك الجوف
أنين ملضوم حروف
مكتوم فى نزف جروح
أكتب ياشاعر ونوُح
الهم بقى سلسال
والدمع بقى مرسال
قيّد لى سوء الحال
فى كتاب يكون مفتوح
أكتب ياشاعر ونوُح
مدفون وقلت حياه
مجروح من غير الآه
ماتقولش شرع الله
يلاحقنى فين ما اروح
اكتب يا شاعر ونوُح
حب إلهنا الحنان
مفطوم عليه الانسان
لا تجادله فى الايمان
ولا تعذبه بالروح
أكتب يا شاعر ونوح
شكوايا من قصه
لبلد ماهيش ناقصه
بلاها دى الرصه
متخلونيش مدبوح
أكتب يا شاعر ونوح
ع الوعد فى كتابه
وسلامه على بابه
دا الكل احبابه
مفرقش بين روح وروح