منتدى الفرح المسيحى - الله عارف انا هعمل اية... يبقي انا مصير !!!

الله عارف انا هعمل اية... يبقي انا مصير !!!

https://files.arabchurch.com/upload/i...442365173.jpeg

الله كلي المعرفة
فهو بيعرف الحاضر لانة شايفة و بيعرف الماضي لانة متسجل عندة
لكن هل الله يعرف المستقبل ؟
طبعا يعرفة لانة يعرف كل شئ و عيناة تخترقان الظلام و لا يخفي علية امر
9لِيَنْتَهِ شَرُّ الأَشْرَارِ وَثَبِّتِ الصِّدِّيقَ. فَإِنَّ فَاحِصَ الْقُلُوبِ وَالْكُلَى اللهُ الْبَارُّ مز 7 : 9

2أَنْتَ عَرَفْتَ جُلُوسِي وَقِيَامِي. فَهِمْتَ فِكْرِي مِنْ بَعِيدٍ. 3مَسْلَكِي وَمَرْبَضِي ذَرَّيْتَ وَكُلَّ طُرُقِي عَرَفْتَ. 4لأَنَّهُ لَيْسَ كَلِمَةٌ فِي لِسَانِي إِلاَّ وَأَنْتَ يَا رَبُّ عَرَفْتَهَا كُلَّهَا. 5مِنْ خَلْفٍ وَمِنْ قُدَّامٍ حَاصَرْتَنِي وَجَعَلْتَ عَلَيَّ يَدَكَ. مز 139 : 2

27وَلَكِنَّ الَّذِي يَفْحَصُ الْقُلُوبَ يَعْلَمُ مَا هُوَ اهْتِمَامُ الرُّوحِ لأَنَّهُ بِحَسَبِ مَشِيئَةِ اللهِ يَشْفَعُ فِي الْقِدِّيسِينَ رو 8 : 27

هنا بقي يبقي انا عندي سؤالين :
1 - كدة حريتي راحت وارادتي ولا لا ؟
2 - طب ربنا عارف اني هدخل النار طب لية ميتدخلش دلوقتي و ينقذني ؟

عشان اجاوب علي الاسئلة دي لازم نفهم يعني اية الله يعرف كل حاجة ؟
فهل الله يعرف المستقبل علشان هو حط خطتة ليا بالكامل و رسمه ليا و انا مليش حق الاختيار !
ولا يعرف المستقبل علشان هو بيشوف المستقبل او بيتوقعة بدقة شديدة كانة شايفة.

الله يري المستقبل بس مش هو اللى رسمة ليا لان بيحترم ارادتي و حريتي
بس في جزء من الارادة انا مليش دخل فية و اجبرت علية زي عيلتي و البيئة اللى بتولد فيها و اسمي
وكل دة مش علشان معنديش ارادة لكن علشان انا انسان محدود بتاثر بالمواد اللى حوالياو بالناس اللى بتربي وسطهم

طب لية ربنا بقي بيسبني اعمل الغلط لما هو عارف اني هعملة ؟
كدة اما انة هو يتدخل و يمنعني
او ميجبنيش اصلا

لو ربنا اتدخل يبقي كدة اتدخل في ارادتي و ربنا بيحترم ارادتي و اداني عقل اميز بية
و لو مجابنيش بردو دة يبقي اقتحام لارادتي حتي قبل ما اتولد منعني اني اميز و اختار

دي مش خطة ربنا رسمهالي لا دة واقع ربنا شايفة فلو ربنا اتدخل يبقي دة حدث مش موجود يبقي ازاي شافة

و الاهم بقي من كل دة ربنا بيتعامل معانا كانة ميعرفش المستقبل.
زي لما كان قاعد مع بطرس عادي خالص خالص بياكلو و هو شايف انة هينكرة و كمان يهوذا

و هقول بس مثال جايز يقرب الصورة شوية :
لو انا قاعد في مكان معايا اتنين اعرفهم كويس صحابي
واحد منهم قام و ساب محفظتة و التاني انا شفتة بياخدها انا بس ممكن اوجهة لكن لو مسكتة يبقي ادخلت في ارادتة و ممكن ادل التاني بطريقة انة يعرف من غير ما اتدخل في ارادة دة او دة فكل واحد يقدر يعمل اللى هو عايزة في حدودة هو كاكائن محدود من غير ما ربنا يتدخل في ارادتة علشان يبقي علي حريتة والا اية قيمة السما و الجحيم

و علشان انا انسان محدود بعيش الحاضر و مقدرش اعيش المستقبل لاني لو عرفتة هحتار حيرة ما يعلم بيها الا ربنا فبيعاملني علي قد محدوديتي علي قد ما انا اقدر استحمل اني اعرف بيعرفني

. 6عَجِيبَةٌ هَذِهِ الْمَعْرِفَةُ فَوْقِي. ارْتَفَعَتْ لاَ أَسْتَطِيعُهَا مز 139 : 6

28وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعاً لِلْخَيْرِ لِلَّذِينَ يُحِبُّونَ اللهَ الَّذِينَ هُمْ مَدْعُوُّونَ حَسَبَ قَصْدِهِ. 29لأَنَّ الَّذِينَ سَبَقَ فَعَرَفَهُمْ سَبَقَ فَعَيَّنَهُمْ لِيَكُونُوا مُشَابِهِينَ صُورَةَ ابْنِهِ لِيَكُونَ هُوَ بِكْراً بَيْنَ إِخْوَةٍ كَثِيرِينَ. 30وَالَّذِينَ سَبَقَ فَعَيَّنَهُمْ فَهَؤُلاَءِ دَعَاهُمْ أَيْضاً. وَالَّذِينَ دَعَاهُمْ فَهَؤُلاَءِ بَرَّرَهُمْ أَيْضاً. وَالَّذِينَ بَرَّرَهُمْ فَهَؤُلاَءِ مَجَّدَهُمْ أَيْضاً. رو 8 : 28

و غير كل دة معرفة الله للمستقبل دي حاجة تطمني متخوفنيش لاني بكدة ضامن اني مسنود علي ايد واحد فاهم و عارف كل حاجة و عارف هيتعامل معايا ازاي بيعاملني علي اني مش هعمل حاجة غلط و مبيلغبطنيش و عارف ازاي ينقذني من اي شر

قَدْ جَعَلتُ قُدَّامَكَ الحَيَاةَ وَالمَوْتَ. البَرَكَةَ وَاللعْنَةَ. فَاخْتَرِ الحَيَاةَ لِتَحْيَا أَنْتَ وَنَسْلُكَ 20إِذْ تُحِبُّ الرَّبَّ إِلهَكَ وَتَسْمَعُ لِصَوْتِهِ وَتَلتَصِقُ بِهِ لأَنَّهُ هُوَ حَيَاتُكَ وَالذِي يُطِيلُ أَيَّامَكَ لِتَسْكُنَ عَلى الأَرْضِ التِي حَلفَ الرَّبُّ لآِبَائِكَ إِبْرَاهِيمَ وَإِسْحَاقَ وَيَعْقُوبَ أَنْ يُعْطِيَهُمْ إِيَّاهَا». تث 30 : 19

ولالهنا المجد الدائم الي الابد امين

http://www.arabchurch.com/forums/images/smilies/old.gifصلو لاجلي