منتدى الفرح المسيحى - بقلم مايكل سامي

بقلم مايكل سامي

http://www6.0zz0.com/2011/10/03/12/647723660.jpg

انا مصري انا وطني بحب الكل
سواء مسيحي او مسلم عشيتنا فل
في الفرح دايما فرحانين وفي حزننا علي بعض نطل
انا المصري
حبيبتي يامصر هفديكي ومن كل غدار هحميكي
هصفف شعرك المتني وهفرد ضهرك المحني
انا ابنك انا حبيبك ومهما حصلي مش هسيبك
مانا المصري
انا المصري اللي لو انهارت قيم بلدي ابنيها مهما قاسيت من ظلم
انا المصري اللي لو جوعي جرح بطني يملاها الحب
انا المصري سواء مسيحي او مسلم انا مصري
اسألوا عني شعوب الكون اسألوا عني شباب عصري
انا المصري
فقير والجيب مفهوش يجيب باكو بسكوت
بقول يارب شاكرينك وحامدينك بعلو الصوت
هتفضل راسي مرفوعه لحد الموت
مانا المصري
وهفضل صامد وبصلي وبدعي ربنا يخلي
صورتك تنور كل مكان يا اجمل زهرة في البستان
ومهما اختلفت الأديان هنفضل اخوه مهما كان
مانا المصري
انا المصري اللي اخويا اسمه حسين واخويا التاني اسمه حنين
انا المصري اللي لو جف في يوم نيله ازوده بدمع العين
انا المصري اللي هيطور وهيعمر لحد ماشوف بلادي حبيبتي زين الزين
مانا المصري

انا المصري لـ مايكل سامي