منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم البابا كيرلس السادس البطريرك رقم 116 (https://www.chjoy.com/vb/forumdisplay.php?f=20)
-   -   البابا كيرلس يقول لمارمينا فرحان وبتصفق (https://www.chjoy.com/vb/showthread.php?t=262959)

Marina Greiss 09 - 03 - 2014 01:06 PM

البابا كيرلس يقول لمارمينا فرحان وبتصفق
 
فى يوم البابا كيرلس للسائق يلا يا عزمى يا ابنى انا رايح دير مارمينا فقالة مش هتاخد حد معاك يا سيدنا قالة لا يا ابنى ربنا معانا ركب البابا وركب عزمى السائق ووصلوا عند برج العرب قبل الدير بـ 10 كيلو والسيارة وقفت وعطلت نزل عزمى وفتح كبوت العربية ودخل دماغة وقال يا سيدنا الوبور بتاع العربية عطل فقالة البابا انا عارف امال العربية وقفت لية . اية اللى عطل فية بالظبط رد عزمى هاشوف يا سيدنا وبص شوية وقال له الكربيراتير بتاع العربية اتخرم ياسيدنا فرد... البابا طيب ما تقفلوا يا ابنى فرد عزمى وقالة علشان نمشى نعمل حاجة من الاتنين نبعت الكربيراتير اسكندرية نلحمة ونستنى يجبوه فرد البابا اه وابات انا فى الشارع بقى فقاله عزمى الحل التانى نكلم مصر يبعتولنا واحد جديد نركبة فقالة البابا وعقبال ما يجبوة يكون بكرة الصبح طلع وابات انا فى الشارع بقى ..
هاه انا جايلك تعمل كده فيا برضوا ......
فرد عزمى بتقول اية يا سيدنا رد البابا مش عليك انت يا عزمى يا ابنى فرد هو فى غير انا وانت ياسيدنا فقاله البابا اسكت انت يا عزمى يا ابنى . وطلع البابا من جيبة حتة قطنة وبرمها وعملها راس زى فتيلت القنديل وطلع زجاجة الزيت وعاص القطنة وقال خد يا عزمى يا ابنى حط القطنة مكان الخرم ودق عليها الزقها والعربية هتدور فرد عزمى ياسيدنا لما تكون حاجة مزرجنة فى العربية نحط لها زيت علشان تفك ولكن الزيت مش هيلزق . رد البابا يوووه خد من عبدالله واتكل على الله قال حاضر ياسيدنا وسمع الكلام واخذ القطنة وحطهافى الخرم ودق عليها ببساطة وقاله البابا اقفل الكبوت يا عزمى يا ابنى فقفل الكبوت فقاله البابا دور العربية واطلع فطلع عزمى بالعربية
فقال البابا حط صباعك .....
فرد عزمى نعم ياسيدنا قالة البابا مش عليك يا عزمى يا ابنى
خليك قافل الخرم ......
فرد عزمى اقفلة ازاى يا سيدنا مش عليك يا عزمى يا ابنى
وبعد 5 دقائق وصلوا الدير وعلى باب الدير اول ما العربية دخلت العربية بطلت ووقفت فالبابا كيرلس قال
فرحان يا اخويا وبتصفق اديك شلت ايدك القطنة وقعت .....
رد عزمى انا ياسيدنا شلت ايدى قاله له البابامش عليك ياعزمى يا ابنى ده اول ما وصلنا مارمينا صفق ان احنا وصلنا بالسلامة فاول ما شال ايدة القطنة وقعت راحت العربية بطلت ووقفت.

وصدق ولابد ان تصدق
ابونا / يؤانس كمال

Ramez5 09 - 03 - 2014 05:00 PM

رد: البابا كيرلس يقول لمارمينا فرحان وبتصفق
 
ميرسى على مشاركتك الجميلة
شفاعة البابا كيرلس ومارمينا العجايبى
تكون معنا جميعاً
امين

بنت معلم الاجيال 09 - 03 - 2014 06:24 PM

رد: البابا كيرلس يقول لمارمينا فرحان وبتصفق
 
جميلة اوي وتعد من طرائف سيدنا

Marina Greiss 09 - 03 - 2014 09:03 PM

رد: البابا كيرلس يقول لمارمينا فرحان وبتصفق
 
ميرسي ليكم علي مروركم ومشاركتكم

sama smsma 07 - 05 - 2014 01:32 PM

رد: البابا كيرلس يقول لمارمينا فرحان وبتصفق
 
حلوووووة اوى المعجزة دى
بركه صلوات البابا كيرلس ومار مينا تفرح قلبك يا مارينا

Mary Naeem 07 - 05 - 2014 02:52 PM

رد: البابا كيرلس يقول لمارمينا فرحان وبتصفق
 
مشاركة جميلة جدا
ربنا يبارك حياتك

Ƒ̐ὰ̗đƴ 07 - 05 - 2014 02:59 PM

رد: البابا كيرلس يقول لمارمينا فرحان وبتصفق
 
حلوووووووووة اوووى
بركة صلواتهم تكون معانا

Marina Greiss 23 - 05 - 2014 12:00 AM

رد: البابا كيرلس يقول لمارمينا فرحان وبتصفق
 
ميرسي ليكم علي مشاركتكم ومروركم


الساعة الآن 09:21 PM

Powered by vBulletin® Copyright ©2000 - 2025